返回列表 回復 發帖

[新聞] 狼隊簽入新恩沙基 各大豪門有排驚

英超「巨人殺手」狼隊宣布簽入AC米蘭前鋒柏德列古度尼,雙方簽約4年,估計轉會費為2300萬鎊。呢位21歲新星屬於「禁區殺手」,更有「新恩沙基」之稱,狼隊新一季有佢助陣,進一步增添爆冷本錢。

柏德列古度尼出身於A米青年軍,前季冒起,於意甲上陣28場入10球,表現一鳴驚人,並入選意大利國家隊。

不過,A米上季簽入波蘭射手比亞迪克之後,柏德列古度尼上陣時間減少,只有3球進帳。柏德列古度尼潛力優厚,轉投狼隊之後,只要有足夠上陣機會,相信可以重拾射手本色。

狼隊上季英超多次喺「Big 6」豪門身上搶到分,包括主場擊敗車路士、曼聯、阿仙奴,甚至打和曼城,作客亦贏過熱刺。狼隊依家鋒線有埋「新恩沙基」,勢必成為各大豪門心腹大患。
返回列表