公仔箱論壇 - Powered by Discuz! Board

標題: 爛劇王占美影評：X-MEN: DAYS OF FUTURE 好睇！！！(含少量劇透,不爆結局) [打印本頁]

作者: jimmych2 時間: 2014-5-23 12:17 AM 標題: 爛劇王占美影評：X-MEN: DAYS OF FUTURE 好睇！！！(含少量劇透,不爆結局)

本帖最後由 jimmych2 於 2014-5-23 01:36 AM 編輯

劇情大要：故事發生在不久的將來，人類發明大量擁有克制變種人能力的Sentinel機械人狩獵殘殺世上所餘無幾的變種人，就連擁有隱藏變種人DNA，甚至有機會遺傳變種技能的普通人類，機械人都不會放過，大城市已變成廢墟，X教授與磁力王等幾位倖存變種人，一方面逃難，另一方面想辦法，利用KITTY Cat的異能，派遣狼人盧根回到1973年，希望改變歷史.....

Xmen系列我全部哂，除咗爛爛地嘅《狼人外傳》，基本上全部重溫最少3次以上，劇情直情可以背出來，今集最令人感動的，是以往在不同集數出場的角色都會現身，噴火仔、冰人、暴風女神、年老及後生版野獸、甚至已經死去的鐳射眼、靈鳥博士...統統以不同形式/特殊情況下現身。熟悉歷代劇情的fans，一定會好開心!!!!
公仔箱論壇5 k; l% `% C0 l( h! \
講返套戲，片長132分鐘，基本上冇悶場，1973年的場景佔絕大部份(大概3/4時間)，主軸環繞狼人盧根、年輕版x教授與磁力王怎樣設法去改變歷史，同時改變未來。www3.tvboxnow.com h+ c. r2 F J7 f/ S

故事開始冇幾耐，已經帶出一個疑問，就是究竟可唔可以透過改變歷史，改變未來？即係好似《龍珠Z》入面，杜拉格斯從未來(A世界的未來)，來到現在(B世界的現在)，就算成功改變了現世代的發展，但(A世界的未來)始終冇改變，變的只係(B世界的未來)，片中甚至提到「漣漪效應」理論，即係無論你扔幾多石頭落水，都會自動修復，換言之，未來隨時冇得改變。至於最後結局如何不劇透，有興趣自己入場。

演員方面，老年版X教授與磁力王(甘道夫:P)出名好戲，不過佢哋佔0既戲份唔多，吸引我0既係兩人年輕版，兩人0係First Class已經大獲好評，Eric夠霸氣，Charles聰明又夠義氣，妖后一角自從換咗年輕影后Jennifer Shrader Lawrence之後，即時由第一二集的第一大茄，升格為第一女主角，除了上述三位，今集新加入的角色「快銀」(QUICKSLIVER)也非常有趣，他的異能有如閃電俠，trailer已經見他快到可以自己同自己打乒乓波，其中一幕佢大展身手，加埋配樂，真係非常過癮！根據原著，此角色係磁力王個仔，片中冇明確交待，但有暗示，大家可以留意下。
tvb now,tvbnow,bttvb1 w3 }5 ^8 @4 Q8 P! R8 H
順帶一提，范冰冰飾演的異能人「閃靈」，又型又冷艷，她的異能是空間轉移，靠放出一個粒子蟲洞，將自己、友人甚至敵人轉移。不過，我計過，佢只有3句對白，最明確一句係：「time's up！而且出場加加埋埋只有大概5分鐘，但以大茄來說，其實戲份只僅次於暴風女神同另一黑人異能者，總算有交待啦。
/ Z6 I: R0 h* `. _" i$ u/ K
綜合來說，呢套《未來同盟戰》，劇情似層相識，首先大橋段似《未來戰士2》同《Matrix》，未來世界已經由機械人掌權，倖存人類唯有東躲西藏，逃避追捕，想改變歷史，只有回到過去，改變歷史....若好睇程度，我會排在XMEN系列第2位，排第一依然是First Class，不過以戲論戲，我覺得好睇過早前《美國隊長2》以及《哥斯拉》。
www3.tvboxnow.com8 j- J# |3 b; m$ @3 {" K/ n
P.S.1套戲唔夠3D，如夾到時間，建議睇2D算，慳唔少(我睇早場3D ,75元)7 m4 M; F; B4 g

P.S.2完場後唔好走，例牌有隱藏預告，不過今次等好耐先出哂字幕，而片段亦只有大概20秒，下集奸角現身，據熟悉美國漫畫的網民話，佢係史上第一個變種人，異能極強，原著漫畫要集合12位最強者才夠佢打。

最後送上，片中2次出現，1973年舊歌Jim Croce的Time in a bottle https://www.youtube.com/watch?v=dO1rMeYnOmM

官方預告：http://www.youtube.com/watch?v=89GhnSU8EcU

歡迎光臨公仔箱論壇 (http://www3.tvboxnow.com/)