公仔箱論壇 - Powered by Discuz! Board

標題: [香港] 動漫海濱樂園開幕海虎「設擂台」拗手瓜 [打印本頁]

作者: serrurier 時間: 2016-4-30 09:13 PM 標題: 動漫海濱樂園開幕海虎「設擂台」拗手瓜

動漫海濱樂園開幕海虎「設擂台」拗手瓜

[attach]3352467[/attach] [attach]3352468[/attach]
v' i8 ]! c% ~
灣仔金紫荊廣場旁嘅香港動漫海濱樂園噚日正式開幕，以「自拍Selfie」做主題，展出30個1：1真人比例嘅本地原創動漫角色雕塑，唔少雕塑加入本土特色，例如燎原火同聾貓打麻將，仲有海虎喺茶餐廳卡位同市民拗手瓜。tvb now,tvbnow,bttvb; S. w# Q/ o' b6 o6 n" f7 U; @

有份參與樂園設計嘅漫畫家盧熾剛(Cuson)就話，佢嘅設計意念係希望加入本土特色同埋細細個嘅集體回億，例如有《壽星仔》入面既壽星仔一邊睇漫畫一邊等剪頭髮，希望可以吸引多啲香港人同外國遊客嚟金紫荊廣場，唔好令人一諗起金紫荊廣場就只有自由行旅客。
! J* O# ~3 {$ C- G: n
香港動漫聯會理事溫紹倫話，用真人比例設計雕塑，目的係方便市民同遊客影相，希望大家影完相可以放上社交網站，推廣香港動漫文化。佢又話，為方便大家影相，所以無加裝圍欄，估計雕塑損耗會較大，已經安排咗每年一次大維修，亦會有清潔工人每日清潔場地，如果發現有損壞就會即時安排維修。

溫紹倫預料，樂園可以吸引每年200萬嚟金紫荊廣場嘅旅客，亦可以額外吸納去會展睇動漫展或者其他展覽嘅市民，保守估計可以吸引300萬人流，又希望樂園可以結合茂蘿街嘅動漫基地同埋俗稱「玩具街」嘅太原街，將灣仔打造成動漫區。

歡迎光臨公仔箱論壇 (http://www3.tvboxnow.com/)