公仔箱論壇 - Powered by Discuz! Board

標題: [時事討論] 市民自發執垃圾官僚無能猶卸責 [打印本頁]

作者: piu01 時間: 2018-9-22 07:41 AM 標題: 市民自發執垃圾官僚無能猶卸責

「大風吹，吹走晒班冇用港官！」可惜現實唔似得小朋友玩遊戲，超強颱風山竹過後，樹木路牌招牌冧就得冧，唯獨災後工作一塌糊塗嘅港產廢官屹立不倒，篤口篤鼻。最離譜係官老爺冇做好自己份工，市民自動自覺幫佢哋執手尾，結果多謝冇句不特止仲要寸寸貢，問你點頂！( J- R- t% ~+ q/ h
大家有眼見，山竹襲港後出現垃圾圍城亂象，多個廢物轉運站逼爆，垃圾車要排三粒鐘至完成傾倒，臭氣熏天事小，萬一傳播惡菌後果不堪設想。搞成咁樣，環保署官僚除咗賴個天，強調今次颱風令垃圾量激增四成，仲將隻鑊卸落市民度，話由於市民自發清理街上塌樹，搞到樹枝、木碎同其他垃圾混埋一堆，壓縮機要花多一半時間處理，有啲仲因為咁壞埋添。乜嘢叫「欲卸之責，何患無詞」，家陣大家見識到啦。
正所謂官僚靠得住，豬乸會上樹，政府清理塌樹蝸行龜步，唔單止搞到人車爭路險象環生，仲有鐵騎士慘中「地雷」自炒，市民無奈之下惟有自己社區自己救。難得市民唔嫌辛苦，將街上嘅垃圾執好等當局嚟收，官老爺仲喺度嫌三嫌四，有冇再離譜啲吖？
喂，政務司司長張建宗前幾日就狡辯話政府冇預料到有咁多塌樹啫，依家事實證明就係有咁多塌樹，唔通佢老哥又「冇預料」到清理塌樹需要大量人手同時間？再睇吓廢物轉運站超負荷問題，查實業界早就呼籲廿四小時開放轉運站，奈何港府借咗聾耳陳隻耳，講乜都嘥氣。話時話，政府高官死都唔肯宣布停工，係都要打工仔同老闆「互諒互讓」，但就從來唔見當局身先士卒，加班加點清理塌樹同垃圾。成日話高官堅離地，冇冤枉佢哋o架！& J9 w% m4 M. F5 |2 A
陸上垃圾固然一街都係，污水處理更加弊一弊都冇咁弊。西貢污水處理廠部分喉管及二級處理設施被颱風重創，只能維持有限度污水處理服務，包括最基本嘅隔篩同清除沙礫程序，至於利用微生物淨化污水中嘅有機污染物，估計要幾個月時間恢復。換言之，住宅、商業及工業嘅污水糞水臭水，幾乎直接流入大海，對泳灘、海洋造成嘅污染有幾大鑊，可想而知。海上污水四溢，陸上又垃圾圍城，香港想唔變臭港都難。# `) q' Q* v, B, W2 `
古人話齋：「為政不在多言，顧力行何如耳。」港府喺風暴前夕係威係勢，召開跨部門會議，話要總動員防災，點知講就天下無敵，做就有心無力，「總動員防災」就冇嘞，「總動員卸膊」就有之。一場風暴將特衰政府「好打得」嘅假面具一嘢吹破，垃圾官員連垃圾同污水都搞唔掂，你話點管治成個香港吖？

作者: CC517 時間: 2018-9-22 11:41 AM

出糧唔做嘢，搵義工笨。

作者: seed555999 時間: 2018-9-22 10:50 PM

大自然威力不可輕視,事實証明寧願做多莫做少..

作者: manyiu 時間: 2018-9-23 05:00 AM

出糧唔做嘢，搵義工笨。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。9 E1 p1 V. a+ p! L# U0 `8 U; {5 f
CC517 發表於 2018-9-22 11:41 AM

出糧左去搵打邊爐, 采你都傻 !

歡迎光臨公仔箱論壇 (http://www3.tvboxnow.com/)