返回列表 回復 發帖

[討論交流] 防毒黑幕!

卡巴斯基 - 無毒既野都鎖死埋, 當然少中毒, 不如唔好用電腦, 咪唔怕中毒.
Norton - 傳統大食, 新ver scan得快左好多, 但係其實係表面野, check少d野所以快.
NOD32 - 不知所謂. 用佢, 你預左中毒都唔知. 知道中毒又殺唔到. 殺到既又唔係毒. 最叻既係賣廣告.
Avast - 免費之中對付rootkit最好.
Avira - 矛盾既免費版, 防adware但係自己係adware, 咁不如用Avast.
大蜘蛛 - 殺毒同卡巴斯基齊名, 脫殼超強, 其他scan hdd搵到十萬個file, 佢可以check出廿萬個. 亦因為咁, 所以full scan慢.
Bitdefender - 平, 但弱, 對抗rootkit不堪一擊.
AVG - 太耐無用, 不作評論.
McAfee - 太耐無用, 不作評論.


防毒軟件無話邊隻一定好, 多獎項都要知道係咩標準先得. 好多野都係表面功夫, 一般用家只係知道個咩32機械人廣告好出名, 呀成龍大哥介紹果隻好野. 認真諗下, 賣廣告同防毒有咩關係? 成龍識唔識咩係rootkit?


傳統大呀哥Norton又點? 近兩年聲稱Dennis Labs測試得分最高. 事實係點? 原來個測試係俾錢買返黎. 仲要被人捉到個Dennis Labs網站原本只係一個有唔少性感相既出版社, 測試標準又含糊不清. Norton大筆錢掟出黎, 搵多幾十個測試有幾難丫. 更奇特既係, 個測試報告錯漏百出都拎出黎講.
http://blog.avast.com/2009/10/30/dennis-technology-labs-vs-vince-technology-labs-can-testing-paid-for-by-an-av-company-be-trusted/
http://www.wilderssecurity.com/showthread.php?t=256947


最多人識既NOD呢? 呢度有NOD既職業打手長駐都係咁話. 殺唔到毒根本就係成個電腦行業都知, 但係為兩餐電腦舖頭未必會話你知. 洗晒d錢賣廣告, 真正技術部門自然弱, 呢個係好自然既事. 好多人以為NOD幫你d email註明無毒, 對方就安心. 但係點解真正既spammer唔會咁做? 實際上同一個網址出現次數太高就會blacklist. 唔信既話就留意下一d正常既email被live mail/outlook話係spam既內容有咩共通點. 基本上NOD目的只係廣告, 但係你send出去既email對方隨時會收唔到. 大部份防毒軟件都check email, 而註明無毒既資料只係加去email header, 咁先正確. 所以話, NOD最叻只係賣廣告, 就算你俾錢買正版, 佢都仲要借你過橋賣免費廣告.

點解NOD咁做又都無人出聲? 應該係話, 有幾多人夠膽出聲. 千其唔好聽我講, 自己睇. 信唔信亦自行判斷. 費事班打手話我得個吹字.
http://www.anti-malware-test.com/?q=node/50


揀防毒其實可以好簡單, 邊隻頂得住黑客攻擊, 就有足夠技術做好防毒. 因為寫病毒同黑客攻擊基本方針一樣, 用非正式手法同技巧, 或者針對系統漏洞, 成功入侵又可以繼續運作等等. 呢一點最勁既係俄羅斯既卡巴斯基同大蜘蛛. 香港可能唔多人識DrWeb, 但係大陸已經出晒名. 之前有隻熊貓燒香病毒係大陸搞到大大鑊, 只係得大蜘蛛防得到, 隻隻都話有heuristic, 結果淨係DrWeb可以唔靠特徵碼都頂得住. 俄羅斯國防部都係用大蜘蛛而唔係卡巴斯基, 兩萬間分行既聯邦儲蓄銀行又係用大蜘蛛, 唔靠廣告都做到咁, 呢d先叫靠得住.
http://baike.baidu.com/view/645946.htm
http://wenda.google.com.hk/wenda/thread?tid=13f48020a65d64b1


既然廣告只係商業手段, 咁獎項又點? 香港最多人識一定係VB100. 不過十幾廿年都冇變過既標準仲叫唔叫得做標準? VB100用黎測試既病毒樣本係由另一機構提供. 問題係大量木馬/rootkit/蛔蟲病毒都唔屬於樣本範圍, 咁有咩用? 即係一個足球明星除左射十二碼之外從來唔落場, 射十二碼100%必入, 其他唔知, 唔通就叫好波?

VB100唔入流已經唔係今日既事, 幾年前Trend Micro已經帶頭唔玩. 咁點解仲有咁多牌子參與? 好簡單, 只係因為VB100呢個字既市場價值. 好多人仍然以為貼左個VB100就係好野, NOD幾年前狂谷廣告果陣都係標榜呢樣野, 結果證明個獎測試乜野唔重要, 最重要係有人講就自然有人信.
http://www.channelregister.co.uk/2008/06/09/trend_vb_test_criticism/


之前消委會都做過防毒測試報告, 可唔可靠? 或者我咁講, 防毒又好, 病毒又好, 並唔係一般programmer能夠寫得出, 佢唔係application咁簡單. 單憑消委會做既測試? 同Norton搵Dennis Labs冇乜分別.


講左咁多, 我預左被班打手炮轟, 大把借口推三推四, 又話A牌咁咁咁, 又話B牌點點點. 所以開新a/c, 用完就閃, 不作回覆. 我再重申, 千其唔好我講就信. 網上資源大把, 請自行求證, 自行判斷.
咁請問下大佬,應該用乜野防毒系統先ok呢???
wah. great info. but for me the windows better buy the genuine. then use the microsoft
antivirus free. it's more help. thnx
返回列表