返回列表 回復 發帖

[心得分享] 香港釣魚全攻略 IV

東 龍 島       

今 次 談 東 龍 , 其 實 東 龍 , 果 州 , 蒲 台 , 石 澳 及 鶴 咀 我 地 叫 小 東 水 , 因 為 方 便 , 唔 使 一 早 起 身 , 最 重 要 平 , 玩 足 一 天 唔 使 五 舊 水 , 當 然 看 你 倒 多 小 錢 落 海 啦 , 魚 獲 一 定 同 蚊 州 冇 得 比 , 如 果 你 是 第 一 代 磯 釣 佬 , 以 上 釣 場 一 定 去 唔 小 , 但 如 果 現 再 才 玩 磯 釣 , 以 上 係 練 習 的 好 地 方 , 主 要 原 因 你 釣 場 多 , 唔 使 同 人 爭 , 水 流 度 度 唔 同 , 所 以 玩 得 過 。

好 , 講 返 東 龍 , 東 龍 釣 場 我 去 過 不 下 三 十 次 , 但 仍 然 未 全 部 釣 過 , 就 說 又 白 石 至 東 龍 堡 的 東 釣 場 就 有 超 過 十 多 個 位 , 除 東 龍 堡 多 , 大 部 分 係 深 場 , 大 石 底 , 多 大 石 洞 , 就 以 石 涌 角 為 例 , 曾 出 現 過 大 量 池 魚 , 雞 魚 , 幽 面 等 , 黑 白 毛 當 然 有 但 不 多 , 但 是 我 有 朋 友 到 東 面 某 釣 場 下 潛 水 , 看 見 有 大 量 白 毛 在 石 洞 裏 , 所 以 東 釣 場 在 夏 天 應 該 你 唔 錯 的 釣 點 , 南 釣 場 為 白 石 至 牙 鷹 排 裏 面 散 石 為 止 , 白 石 其 實 唔 錯 , 但 岸 邊 有 人 落 網 , 已 經 唔 係 太 好 釣 , 可 以 試 下 牙 鷹 裏 面 的 釣 點 , 但 水 淺 , 又 其 牙 鷹 排 對 入 的 兩 舊 出 水 石 千 其 唔 好 上 , 因 為 我 已 有 不 小 工 具 在 此 海 底 , 諗 起 都 點 傷 心 , 大 頭 艇 唔 係 度 度 都 上 到 , 最 好 用 快 艇 , 我 曾 經 在 此 處 的 釣 過 三 刀 , 小 黑 毛 及 黑 立 , 釣 點 在 散 石 出 面 , 要 小 小 遠 投 , 但 係 冬 天 都 有 機 會 上 到 , 而 散 石 咀 多 雜 魚 偶 有 大 油 魚 , 不 過 個 底 好 掛 , 要 好 有 心 機 才 得 , 西 面 係 又 散 石 咀 至 魚 排 , 水 比 較 淺 , 通 常 為 3 - 5 米 左 右 , 有 黑 立 , 紅 鮪 , 個 底 OK 啦 , 唔 好 釣 太 深 就 得 , 不 過 石 刻 底 水 較 深 但 多 旅 遊 人 到 所 以 冇 魚 。

北 面 由 魚 排 至 燈 塔 , 水 深 流 向 跟 西 面 差 不 多 , 但 燈 塔 底 最 好 不 要 去 , 因 為 佛 堂 門 係 航 道 , 所 以 船 浪 好 大 , 作 釣 是 千 萬 要 小 心 , 燈 搭 面 向 大 海 遠 處 有 深 水 石 排 , 但 係 好 難 釣 。 睇 你 有 冇 辨 法 啦 去 東 龍 釣 魚 我 只 知 有 旅 遊 人 仕 可 以 行 路 到 到 的 釣 點 都 係 死 位 , 可 以 不 去 , 要 找 一 些 唔 起 眼 或 你 覺 得 冇 魚 的 釣 點 , 要 死 守 , 通 常 都 會 有  機 , 話 晒 港 水 , 差 不 多 啦 , 留 意 一 些 冇 風 的 釣 埸 就 好 多 蚊 , 黑 石 好 冼 要 小 心 。 又 係  句 , 小 魚 請 放 生 , 保 持 地 方 清 潔 , 最 好 去 完 都 好 似 未 去 過 的 樣 子 就 最 好 。
五 分 州
五 分 州 位 於 石 澳 對 開 的 島 , 此 島 較 大 , 多 數 釣 點 都 不 能 互 通 , 所 以 上 石 後 大 都 會 在 原 地 作 釣 , 船 離 開 後 大 約 一 小 時 左 右 會 開 始 會 有 魚 訊 , 但 有 些 釣 點 要 在 某 些 時 鍛 才 有 魚 , 所 以 誘 餌 不 要 一 開 始 打 太 多 , 這 樣 會 有 好 多 小 雜 魚 , 慢 慢 來 , 先 會 玩 得 長 久 些 。

因 為 前 住 此 釣 場 一 定 要 使 用 船 , 所 以 釣 魚 人 仕 大 都 會 到 東 面 直 石 及 左 右 兩 面 的 釣 點 , 其 實 全 島 都 可 作 釣 , 面 向 石 澳 釣 點 離 水 不 高 , 水 比 較 淺 , 水 底 散 石 不 多 , 多 沙 , 雜 魚 有 得 釣 但 不 大 , 但 面 向 石 澳 大 石 灘 作 遠 投 會 有 機 會 釣 到 黑 毛 及 青 物 , 在 島 中 有 五 條 石 坑 , 好 似 把 全 島 分 為 五 份 , 所 以 此 島 叫 五 分 州 , 島 中 釣 分 南 北 兩 面 , 南 面 釣 點 比 較 多 , 但 都 算 面 向 大 海 , 浪 口 較 大 , 所 要 找 高 一 點 的 站 立 點 作 釣 及 放 置 釣 具 , 北 面 釣 點 為 石 坑 及 石 坑 邊 打 浪 位 , 沙 石 底 , 水 深 OK , 最 好 以 小 生 蝦 作 釣 , 東 面 直 石 及 左 右 兩 面 為 主 要 釣 點 , 但 站 立 點 較 細 , 左 右 兩 面 數 年 前 曾 出 現 大 量 火 點 , 雞 魚 及 雜 魚 但 體 形 較 大 可 以 試 試 。

正 東 面 面 向 大 海 , 水 夠 深 , 但 大 浪 , 釣 點 離 水 比 較 高 及 不 能 太 多 人 , 兩 三 個 還 可 以 , 本 人 曾 在 此 處 見 過 大 牛 廣 跳 水 , 差 不 多 四 呎 長 , 喜 歡 放 流 人 仕 可 以 試 試 , 水 流 左 右 走 , 山 角 匯 流 處 曾 有 黑 白 毛 及 青 物 , 釣 線 可 以 用 粗 點 , 誘 餌 可 以 多 小 小 。

如 果 你 從 末 到 過 此 島 , 最 好 不 要 釣 夜 水 , 先 去 數 次 日 水 , 睇 通 釣 場 才 好 釣 夜 水 , 注 意 天 氣 及 風 浪 變 化 , 上 石 有 點 難 度 , 此 處 會 有 瘋 狗 浪 出 現 的 機 會 , 而 左 釣 點 因 看 大 海 浪 口 較 難 , 所 以 要 找 高 一 點 的 釣 場 。 小 心 , 小 心 !

在 此 垂 釣 多 次 有 些 奇 怪 的 發 現 , 就 算 同 一 釣 點 , 魚 食 餌 的 時 間 次 次 唔 同 , 有 時 漲 潮 得 食 , 有 時 退 潮 得 食 , 有 時 平 流 得 食 , 因 此 唔 知 幾 時 開 口 , 真 係 有 點 被 佢 玩 死 的 感 覺 。
蒲 苔  島 - 螺 洲 白 排
今 次 同 大 家 談 談 蒲 苔  島 的 釣 點 , 因 為 蒲 台 島 分 為 六 個 島 , 所 以 我 會 分 為 幾 篇 為 大 家 介 紹 , 希 望 大 家 指 教 , 多 謝 。

首 先 介 紹 的 釣 點 為 螺 洲 白 排 , 螺 洲 白 排 為 蒲 台  島 最 西 面 , 全 島 差 不 多 為 長 方 , 島 上 有 避 雨 處 , 又 有 大 平 台 , 真 係 開 小 型 RAVE PARTY 都 得 , 點 解 , 因 為 此 島 連 船 家 都 叫 唔 好 上 , 會 浪 費 時 間 , 真 是 有 點 令 人 覺 唏 噓 。

此 島 其 實 都 有 過 一 段 風 光 曰 子 , 這 裏 曾 是 釣  的 好 地 方 , 此 處 亦 有 黃 衣 被 釣 獲 的 紀 錄 , 尤 其 冬 天 , 白  食 餌 食 到 排 邊 , 真 係 好 玩 , 但 係 現 在 , 除 了 夏 天 通 頂 沉 底 或 冬 天 小 段 時 間 有 白  , 其 他 時 間 真 係 魚 影 都 冇 , 我 相 信 係 因 為 此 為 海 中 孤 島 , 而 此 島 周 邊 為 沙 坭 底 , 海 底 石 排 好 少 , 所 以 如 果 釣 魚 人 仕 及 漁 民 把 排 邊 的 魚 取 走 後 要 一 段 長 時 間 才 會 再 有 魚 居 住 , 又 因 漁 民 的 刺 網 放 在 全 島 周 圍 及 西 面 同 南 面 為 拖 網 漁 場 , 因 而 型 成 此 島 冇 魚 釣 的 主 要 原 因 。 所 以 在 此 處 打 誘 餌 所 發 揮 功 效 不 大 , 請 大 家 注 意 。

但 此 夜 釣 打 沉 應 該 還 可 以 , 但 不 用 遠 投 , 離 岸 三 四 十 尺 就 可 以 , 我 有 朋 友 舊 年 在 平 台 用 石 鯛 竿 , 原 條 池 魚 作 釣 , 五 十 磅 大 遊 戲 拉 不 回 頭 連 斷 兩 口 , 魚 向 下 走 , 應 為 石 班 或 紅 鮪 , 所 以 在 此 打 沉 底 應 要 有 失 手 繩 算 功 具 齊 全 才 好 , 唔 係 回 來 要 買 竿 買 絞 唔 好 話 我 唔 事 先 通 知 呀 , 但 當 然 唔 係 次 次 都 有 啦 , 睇 運 啦 。

此 島 地 形 東 北 面 比 較 水 深 但 地 形 為 鈄 台 , 要 小 心 找 站 立 點 , 北 面 山 咀 下 有 散 石 , 水 退 時 會 見 到 , 東 南 為 平 台 , 可 以 扎 營 , 海 底 下 有 大 石 , 南 面 為 淺 場 , 水 不 深 , 個 底 好 似 係 平 石 , 冇 魚 , 西 面 山 咀 對 出 不 遠 處 有 出 水 石 , 水 不 算 大 深 個 底 都 幾 掛 , 但 應 該 有 機 , 可 以 試 試 。 水 流 大 多 由 西 向 南 走 生 流 流 好 大 。

島 中 有 避 雨 處 可 坐 四 至 五 人 但 地 面 有 積 水 , 最 好 帶 營 同 一 定 要 帶 蚊 怕 水 , 因 為 此 處 取 蚊 外 還 有 石 虰 , 被 咬 後 千 萬 不 要 抓 破 癢 處 , 唔 係 好 麻 煩 。 此 處 我 只 是 到 過 四 五 次 , 所 以 如 果 有 所 錯 誤 , 請 指 出 及 請 指 教 , 謝 謝 各 位 。
蒲 苔  島 - 螺 洲
螺 洲 是 蒲 台  島 的 第 二 大 島 , 也 是 本 人 以 前 較 喜 歡 到 的 釣 場 , 但 現 在 該 島 的 釣 況 跟 四 五 年 以 相差 大 遠 , 現 在 前 往 只 有 看 運 氣 , 但 水 流 及 天 氣 也 是 對 釣 況 好 壞 會 有 極 大 的 因 數 。

螺 洲 全 島 除 東 部 為 直 落 形 深 場 外 , 大 部 沿 海 均 為 淺 海 地 形 , 有 大 散 石 、 直 崖 、 也 有 內 灣 , 釣 點 環 境 及 釣 法 也 有 極 大 分 別 , 而 魚 獲 種 類 也 有 很 大 差 別 , 本 人 曾 在 此 島 釣 過 幽 面 、 紅 尾 東 、 雞 魚 、 黑 毛 、 白 毛 、 小 牛 廣 、 大 泥 猛 、 火 點 、 牙 點 、 白  、 黑  、 絲  、 紅  、 雜 衣 、 紅 班 仔 、 青 班 、 花 頭 梅 、 魷 魚 等 。

紅 尾 東 雖 然 只 有 一 次 在 西 南 面 淺 場 小 量 釣 獲 , 但 也 是 唯 一 在 小 東 水 有 釣 獲 的 地 方 , 相 信 因 為 當 天 為 大 天 陰 小 雨 加 大 生 流 的 原 因 , 因 為 以 後 再 去 一 條 也 未 見 過 。

此 島 釣 點 也 是 分 為 東 南 西 北 , 但 釣 場 與 釣 場 之 間 的 路 途 遠 及 危 險 , 所 以 走 位 較 難 , 此 點 請 大 家 注 意 。

東 面 釣 場 由 東 北 角 至 正 東 面 石 坑 為 深 場 , 大 部 分 水 深 超 過 25 呎 , 但 有 些 釣 點 水 底 有 大 石 台 , 所 以 到 達 釣 場 後 要 試 水 深 及 試 底 , 如 果 唔 係 全 天 都 只 會 有 小 雜 魚 , 我 有 朋 友 試 過 在 石 台 頂 作 釣 , 上 午 只 有 幾 條 雀 鯛 及 小 雜 魚 , 中 午 退 潮 發 現 後 轉 位 釣 況 才 有 改 善 , 魚 食 餌 在 中 層 近 底 , 所 以 誘 餌 我 會 用 較 輕 比 重 的 這 樣 會 比 較 好 釣 。

本 人 曾 見 過 大 黑 毛 在 腳 底 石 洞 跑 出 來 食 誘 餌 , 但 好 難 釣 , 我 末 釣 到 過 。 返 而 東 北 角 會 有 較 多 機 會 釣 到 小 黑 白 毛 , 大 家 可 以 試 試 。 深 場 海 底 為 大 散 石 但 一 樣 有 沙 地 , 釣 太 深 及 打 沉 底 都 會 有 掛 底 機 會 , 請 大 家 注 意 。

南 面 釣 場 由 東 南 轉 彎 位 到 最 南 面 坪 石 角 為 止 , 坪 石 角 對 入 有 一 內 灣 , 水 較 淺 , 雜 魚 仔 較 多 , 風 浪 平 靜 時 多 小 泥 猛 , 但 冬 天 也 有 機 會 上 到 。 坪 石 角 咀 對 出 有 一 出 水 石 , 面 向 蒲 台 右 邊 水 較 淺 , 左 邊 有 小 石 台 , 海 底 散 石 較 大 , 水 深 OK , 但 冬 天 浪 口 很 大 , 要 小 心 。

東 南 彎 位 有 一 小 段 為 深 場 , 但 釣 埸 細 , 釣 人 不 能 太 多 三 個 人 左 右 , 唔 係 好 難 釣 。 面 向 大 海 向 右 走 為 超 淺 場 有 出 水 大 散 石 , 散 石 外 為 深 場 , 有 青 物 但 起 魚 好 難 。 再 向 右 行 為 內 灣 小 山 咀 , 水 深 適 中 , 會 有 機 會 有  , 可 以 試 試 。

西 面 釣 場 由 燈 塔 至 坪 石 角 為 中 淺 場 , 風 浪 較 平 , 近 坪 石 角 有 一 大 石 坑 , 石 沆 右 面 不 遠 處 有 一 出 水 石 , 我 就 在 此 處 釣 獲 紅 尾 冬 。 冬 天 西 面 釣 場 有  , 但 黑 白 毛 末 見 有 。 近 燈 塔 處 有 大 舊 的 散 石 , 散 石 外 出 水 不 太 深 個 底 好 掛 , 夜 釣 曾 有 黑  出 現 。

由 燈 塔 至 東 北 角 是 北 面 釣 場 , 也 是 本 人 最 喜 歡 前 往 的 釣 場 。 因 為 此 岸 邊 為 中 淺 場 , 水 深 十 多 呎 , 但 對 出 外 海 水 是 深 超 過 五 十 米 的 海 崖 , 所 以 大 怪 物 出 現 機 會 特 多 , 但 遇 不 遇 到 及 上 不 上 到 水 要 睇 你 運 氣 。 本 人 曾 試 過 一 日 內 在 燈 塔 位 釣 獲 小 魚 時 給 怪 物 打 劫 多 次 , 也 在 中 段 山 崖 作 釣 時 見 到 在 80 至 90 呎 遠 處 有 過 千 條 大 幽 面 路 過 , 但 這 以 是 在 三 四 年 前 的 事 。 不 過 因 為 水 流 及 海 底 地 形 關 係 , 相 信 現 在 有 大 魚 釣 的 機 會 也 不 錯 , 可 以 試 釣 。 但 每 個 釣 點 面 積 不 大 , 所 以 人 數 不 能 太 多 , 但 近 燈 塔 處 有 好 多 出 水 石 , 此 點 要 注 意 。

此 島 釣 況 雖 跟 五 、 六 年 前 差 好 遠 , 但 只 要 大 家 唔 好 大 小 通 殺 , 只 拿 取 夠 食 就 算 及 保 持 釣 場 及 海 底 清 潔 , 相 信 此 處 仍 然 有 得 玩 。
蒲 苔 主 島
蒲 台 主 島 相 信 係 大 部 份 早 期 磯 釣 人 仕 一 定 到 過 , 而 此 島 亦 是 會 給 人 驚 喜 的 一 個 地 方 , 因 為 此 島 釣 點 特 多 , 而 每 個 釣 點 都 有 不 同 之 處 , 如 果 要 將 全 部 釣 點 寫 出 , 相 信 三 、 四 萬 字 也 寫 不 完 。 所 以 本 人 只 會 寫 出 本 人 比 較 熟 悉 的 釣 場 及 曾 發 生 的 趣 事 。

此 島 形 狀 成 菱 形 , 主 要 釣 場 分 為 東 面 、 南 面 、 東 南 、 西 南 、 西 及 西 北 面 , 而 每 面 都 有 一 至 兩 個 釣 點 本 人 曾 作 釣 的 釣 點 。 但 現 在 先 講 講 一 段 趣 事 給 大 家 聽 。 , 大 約 七 、 八 年 前 , 天 后 誕 正 曰 , 當 時 南 極 蝦 非 常 貴 , 莫 講 誘 餌 粉 , 我 們 只 好 用 死 蝦 打 成 漿 , 再 到 海 味 鋪 買 一 些 蝦 皮 , 再 加 死 蝦 作 釣 餌 , 就 這 樣 三 條  佬 就 殺 去 蒲 台 作 出 人 生 的 第 一 次 出 外 島 磯 釣 , 當 時 最 常 去 的 地 方 是 石 澳 大 頭 州 。

當 日 天 色 昏 暗 , 吹 大 東 至 東 南 風 , 有 微 雨 , 黃 泥 水 , 又 有 點 涼 意 , 早 上 八 時 多 到 達 香 港 仔 上 船 。 一 去 到 , 發 現 非 常 多 人 , 再 問 船 家 才 知 當 日 要 定 位 才 有 來 回 船 搭 , 如 果 上 左 船 就 要 第 二 日 才 有 船 回 香 港 仔 , 當 時 年 輕 , 諗 住 睡 一 晚 海 邊 應 冇 問 題 , 就 本 著 釣 隱 起 死 就 死 的 心 態 決 定 上 船 。 一 渡 無 話 。

一 去 到 蒲 台 就 走 去 士 多 買 水 及 食 物 , 去 到 士 多 看 見 為 數 超 過 十 個 磯 釣 佬 在 清 潔 釣 具 , 問 他 們 收 穫 如 何 , 他 們 給 我 看 只 有 三 、 四 條 黑 毛 15 至 20cm 左 右 , 數 條 牙 帶 及 小 魚 , 問 他 們 在 何 處 作 釣 , 他 們 說 在 南 角 咀 向 內 海 , 但 一 定 要 穿 釕 鞋 , 當 時 我 們 連 釣 釘 鞋 都 未 買 , 只 好 走 到 陶 金 石 燈 塔 看 看 釣 場 就 算 , 無 辨 法 只 好 走 回 頭 路 到 背 風 及 小 浪 的 地 方 作 釣 。 當 行 到 石 刻 同 墨 州 之 間 的 一 個 小 平 台 , 覺 得 很 安 全 及 清 潔 , 一 心 諗 無 魚 釣 , 睡 覺 都 舒 服  , 釣 點 水 淺 (不 足 4 米) 無 流 , 但 當 打 下 誘 餌 不 足 三 十 分 鐘 就 開 始 有 魚 訊 , 第 一 出 水 是 黃 雞 , 大 約 六 兩 重 , 再 落 又 是 黃 雞 , 當 中 有 兩 三 條 黑 毛 , 又 有 大 魚 追 雞 魚 , 全 曰 未 停 過 食 餌 , 二 斤 多 死 蝦 不 足 五 小 時 釣 完 , 足 足 有 四 個 大 惠 康 膠 袋 , 回 到 士 多 , 老 闆 說 我 們 是 這 兩 、 三 個 星 期 釣 得 最 多 魚 的 人 , 回 到 碼 頭 想 問 有 冇 辨 法 上 船 , 船 主 說 我 們 來 得 早 問 , 而 剛 好 有 一 家 人 不 走 , 我 們 才 可 以 即 日 來 香 港 仔 , 唔 係 都 唔 知 點 算 。

以 上 故 事 是 想 給 大 家 知 , 名 釣 場 雖 然 有 一 定 的 作 釣 價 值 , 但 如 果 去 到 多 人 釣 魚 地 方 作 釣 時 , 找 一 些 唔 起 眼 的 釣 場 才 是 上 策 , 同 時 証 實 釣 魚 真 係 好 講 運 。

好 講 番 蒲 台 的 釣 場 的 地 形 及 海 底 情 況 , 我 早 前 講 過 蒲 台 釣 場 分 為 多 面 , 而 每 一 個 釣 場 都 有 唔同 之 處 , 現 一 一 講 講 。

先 講 東 面 , 東 面 只 有 夏 天 無 東 風 才 可 上 石 , 冬 天 太 危 憸 , 東 面 釣 場 有 好 多 是 直 落 形 深 場 , 由 北 流 角 至 到 大 排 為 止 , 只 有 近 大 排 的 一 小 段 才 是 深 場 。 但 大 排 面 向 大 海 左 手 面 又 是 淺 場 , 起 遠 投 才 是 深 場 , 而 右 手 有 兩 個 小 山 咀 開 始 又 是 深 場 。 這 裏 我 曾 釣 過 黑 、 白 毛 、 幽 面 、 水 針 等 , 但 記 著 要 用 粗 點 子 線 。 因 為 我 在 此 見 過 石 鯛 吃 誘 餌 吃 到 上 水 面 , 即 時 釣 一 條 大 過 手 掌 小 小 , 再 落 馬 上 沉 波 , 一 抽 以 為 掛 石 , 用 力 拉 兩 下 完 全 無 反 應 , 但 水 下 面 忽 然 高 速 向 下 走 , 1.5  SX 竿 2.5 子 線 五 秒 玩 完 , 跟  我 朋 友 再 斷 一 口 3 , 當 時 最 大 只 用 到 3 子 線 , 我 朋 友 上 回 釣  再 落 , 馬 上 中 一 條 超 過 40cm 的 黑 毛 , 跟  大 量 幽 面 出 現 。 以 三 、 四 年 前 來 講 , 當 天 真 的 非 常 大 咬 。 雖 完 未 算 唔 停 手 , 但 魚 大 條 以 就 非 常 過 癮 , 但 要 注 意 因 站 立 點 為 斜 台 而 面 向 大 海 , 而 此 島 不 能 跟 蒲 台 相 連 , 請 大 家 小 心 。 所 以 天 氣 不 好 就 不 要 去 垂 釣 。

再 向 右 面 走 是 大 排 灣 至 到 大 角 頭 , 當 中 有 深 場 又 有 海 底 石 台 , 所 以 找 釣 點 要 注 意 。 而 大 角 咀 是 深 場 , 向 東 南 遠 處 有 深 水 石 排 , 放 狗 及 玩 放 流 會 有 諗 , 但 要 找 高 釣 場 才 安 全 。

南 面 釣 場 的 內 灣 只 有 向 西 南 面 的 一 小 段 可 以 作 釣 , 中 間 有 一 山 咀 , 對 出 有 出 水 石 , 有 黑 毛 、 青 物 及 雜 魚 等 , 面 向 東 南 面 的 斜 位 到 淘 魚 石 不 能 作 釣 , 因 為 無 位 站 。 而 燈 塔 對 出 有 一 小 出 水 石 , 但 只 有 無 風 無 浪 才 可 上 到 , 水 夠 深 、 流 水 靚 、 多 青 物 、 黑 白 毛 一 樣 , 但 唔 多 。

西 面 由 南 角 咀 至 到 墨 州 為 淺 場 , 釣 況 一 時 時 要 睇 運 。 但 在 佛 手 岩 對 出 是 排 口 , 這 裏 曾 出 現 大 量 畫 眉 , 大 家 要 注 意 , 墨 州 山 咀 有 一 段 深 場 , 時 有 大 物 , 大 黑  最 大 機 會 。 但 現 在 因 為 多 人 釣 , 所 以 不 多 了 。

西 北 面 也 是 不 錯 的 釣 場 , 釣 點 近 岸 是 淺 場 , 但 此 釣 點 跟 螺 州 中 間 的 水 道 是 超 過 100 呎 的 深 水 排 口 。 雖 然 排 口 不 大 , 但 因 是 海 崖 地 形 , 所 以 會 有 比 較 好 的 釣 況 。 此 處 夜 水 會 有 黑  、 紅  、 火 點 等 。 再 向 北 走 有 一 小 內 灣 , 是 超 淺 場 , 要 注 意 。

現 在 蒲 台 好 像 有 小 船 車 人 到 各 釣 點 , 但 收 費 不 深 清 楚 。 上 碼 頭 問 釣 魚 艇 佬 就 可 , 要 注 意 船 期 呀 。 如 果 釣 夜 水 要 舒 服 , 最 好 在 碼 頭 , 因 我 試 過 夜 水 用 小 魚 釣 手 線 , 三 十 磅 都 拉 不 回 頭 , 久 不 久 又 有 油 魚 , 所 以 說 此 島 會 給 人 驚 喜 , 大 家 有 機 會 去 玩 玩 。

又 係 個 句 , 清 潔 釣 場 , 放 生 小 魚 , 唔 該 ! 謝 謝 !
宋 崗 細 排 及 宋 崗

今次一口氣同大家講講兩個釣場,分別係宋崗細排及宋崗.

宋崗細排位於宋崗主島的西北面,屬海中孤島地形,但水底岩盤是跟宋崗相連.所以此孤島仍是宋崗的一部分,沿島水底地形較淺但西面較深,但都不超過四米,大散石場、石邊暗礁、平石根、深水排全部都有,掛底率都算高,流速算快,但島邊回流處不大.

島上地形細小,呈新月形,水漲時分為大小兩島,但兩島之通道水不深,所以死流水滿時仍可走位,生流流速好快,只有南北山咀可以作釣,島上釣點細,八人左右作釣便非常不方便,屬低地近海形,所以東風四級以上便不能作釣,此點希望大家千萬注意.

大島面積較大,只有牙鷹排的五分一,地形較高,但風浪大時一樣冇路走,要小心,細島類似較大的出水石,浪大非常危險,請大家小心.

東面釣場為淺場大散石底,大水退可見散石,站立點為近水小斜坪,但此處有釣獲黑鯛,及大雀鯛的紀錄,但掛底率奇高,風浪大時不能作釣.

東南面山咀只能大水退時才能作釣,釣點對出不遠處有暗礁,南面島邊有暗礁,超過三、四十呎遠水才較深,散石底,但此處屬回流處,在大生流時這是不錯的釣點.

西面大島磯際有數舊暗礁,釣場站立點較高但細小,起魚較難,細島西面為光頭石,此處水較深,會有較大的機會獲大黑毛,誘餌要打向流頭石邊,但中魚處較離岸,人少少可以集中此處作釣.

北面釣場是全島最細的釣點,最多為三人,此處水較淺,石底有數舊散石,但此處水流最靚,釣穫青物機會最大,本人曾在此誘過一(基)小黑毛在此結集,為數有十多條,釣場中有一礁石,把釣場分為左右兩邊, 左面較深, 右面較淺,小黑毛就在右手面,左手面玩方流遠處石盤邊,曾有大量大雞魚出現,但會有釣艇在釣魚,請注意.

前住此釣場最佳是包船一曰,因天氣及風浪關係要除時走人,而船在旁,放心好多.

另一個釣場是宋崗,也是本人最小釣的釣場,因為實在太多蚊,一次是八、九月,另一次是一、二月,次兩作釣未到中午就要走,當風處有,背風處有,連船家都話頂唔順,不過真係好頂,一打開袋誘餌就馬上出現,仲要是牛仔褲都咬得穿個種呀,數量又多,去玩記得帶蚊怕水,長袖衣,唔係回來冇人認得你,唔關我事呀!

此島我只在東北角及西南角作釣,其他釣點因未有作釣,所以不作介紹.

西南角為深場,水深離岸二十多尺,水深十米左右,流速不算大快,有雞魚及幽面,釣場向海右手面有兩石坑,看來唔錯,應有料到,左手面為斜台,作釣要小心.

東北角為離岸一大石島,釣場要找高點的,安全為上,北面旁有出水石,出水石旁有黑白毛及大泥猛,遠處是深水排,此處船釣曾有章紅仔出現,在岸遠投應可有機,西南處是大在石底,高低差好大,誘餌用輕比重會較好,釣餌大夥點,順流釣,會有機會中大物,南處有一小內灣,應有黑毛,可以試試,但吹西南風要小心

清潔釣場,放生小魚,唔該,謝謝
橫瀾島
橫瀾島分為南北兩島,北島為長條形,南島呈圓形,但因南島有天文台的設施,所以好像是禁區,本人曾到南島作釣給直升機通知水警驅趕,因此大家都是不要前往為上策,所以橫瀾島我只會介紹北島.

北島東面是直崖,釣點細,站立點通常上石後不能走動,風浪大這處是不作釣,但天氣情可以下這是不錯的釣場,水深除接近北面的一段(由北面至數下第一山咀)水較淺,其他釣點均為深場,水深通常超過四十呎,中段有一凸石,此處有黑白毛,但因浪口大,因此作釣時千萬要小心,再向南行也有一凸石,不過本人未曾作釣,所以不作介紹,再向南走到達兩島交接處,交接處中段為淺場,冬天風浪大時可由西面步行前往,但一定要注意風浪情, 接近東面交接處有一水底石洞(大概在水下十多呎),中魚後要盡快把魚抽離,因為本人多次給這石洞弄斷子線走魚,上到水只有中小形白毛,但有朋友在此曾釣到三斤白數條,所以此處作釣要用粗竿粗線,動作要快,如果斷魚當天好難再有好收穫.

西面為淺場,水深只有十多呎,散石地,水流不大,但全個西面都有機會釣到,此處本人曾釣過黑沙及黃,而紅、火點亦是此處常見魚種,但有一點要注意,怪物竟然會在超淺的地方出現,只要出面沒有落網,收獲都應該不會太差,不過要留意水下廢網,魚食餌在較遠處,食餌精,作釣一定要忍手,如果抽不中或走魚就要用較長時間重新誘集.

北面地形為全島最複雜的地方,有平台,有暗礁,有直崖,有山洞,而水流也是最複雜的,但大部分釣點都不能互通,多年前在此學習磯釣時曾見船家用麵包加蝦漿,使用單釣單線在山洞口釣黑毛,但我用小沙蝦只中幽面、火點及黃立倉,相信現在使用南極蝦會有機會釣到黑毛,但此處風浪大時非常危險,請各位千萬注意,釣點只要船能到岸的都是不錯的釣點(注意暗礁),但有些釣點石面非常滑,上石要小心,如果風浪大不能到正北面,大家可心試試西北面的大平台,釣具放在高處,因為浪會從後方打上,此處曾有大量幽面,黑毛也有但數量不多,夜水會有大紅及,釣組可用粗一點,此處釣點可站五至六人,應該可以給大家一個快樂的作釣.

清潔釣場(地面及海底),放生小魚,唔該,謝謝.
返回列表