[遊戲] 估比分小遊戲- 阿仙奴VS車路士

zzleezz

呢個星期日20/1 半夜01:30 倫敦打吡戰,每人估一個比分,估中加TVB 25元 & 功勳 25點
截止時間: 開波前1分鐘


我估先: 阿仙奴 1-1 車路士

chan200308

我估第2: 阿仙奴 1-2 車路士

4461

我估第3: 阿仙奴 0-1 車路士

bosco1234

我估第4: 阿仙奴 2-2車路士

zzleezz

【召喚西瓜恩】

supertaz

我都估第5: 阿仙奴 1-1 車路士

Pedestrian_A

我估第7: 阿仙奴 0-0 車路士

zzleezz

倫敦打吡阿仙奴勢危
近4場聯賽僅贏1次，已被曼聯追至同分的阿仙奴，雖然力求重返前4位置，但今周主場硬撼車路士，再有失分的危機。



自從被修咸頓終止不敗走勢之後，兵工廠一直未能重現之前的霸氣，曾賽和白禮頓及大敗予利物浦，其後連勝2場之際，又在韋斯咸腳下全失3分，狀態頗為飄忽。上仗先列後備的盧卡斯托拉拿與比利連有望復任正選，格列沙加夥拍古安杜斯這對中場用球能力不俗，相信能夠加強中場掃蕩力，只嫌進攻的侵略性稍弱。



客軍車路士近4戰聯賽得10分，適逢曼聯擊敗熱刺，「藍戰士」與第3位的熱刺只有1分差距。不過，他們近期的對手都是下游分子，今仗面對阿仙奴才是真正的考驗。由於莫拉達受傷，估計夏蕯特會繼續擔任箭頭一角，配合上周均有進帳的柏度洛迪古斯及韋利安作側擊，進攻火力應不成問題。



雙方今季都顯示出頗接近的入球能力，但阿仙奴的失球幾乎比車仔多近1倍，證明其防守着實大有改善空間，特別是中路防守力，亦有可能成為今仗勝負關鍵，相信這場倫敦打吡會十分緊湊及精彩，只是傷兵問題相對輕一點的藍戰士，絕對有力令兵工廠失分，更有望擊破主隊連續10場主場不敗的戰績。

zzleezz

阿仙奴上仗失準不敵韋斯咸後，今輪總算做番齣好戲，周日凌晨在英超尾場主場出擊，以2比0擊敗同市勁敵車路士，今場可算係爭取前4嘅6分波，兵工廠贏波後暫落後車路士3分排第5，同晚贏波嘅曼聯僅以得失球不及阿仙奴排第6，前4爭奪戰變得好緊湊。

今仗亦係阿仙奴復仇戰，兵工廠開季二連敗，就係輸畀曼城同車路士，首循環車路士贏3比2，今次阿仙奴為求復仇，早段踢得好進取，排出41212陣式，艾朗藍斯同格列沙加分別出任攻中及防中，力抗由夏薩特領軍嘅車仔，結果復仇成功。

開賽14分鐘阿仙奴先開紀錄，拿卡錫迪禁區內得機，亂軍中起腳射成1比0，其後車路士有扳平機會，柏度洛迪古斯挑射差些少，僅僅貼柱出界。呢球唔入，39分鐘阿仙奴整多粒，哥斯尼殺上前線助攻，接應隊友過頭波，在禁區內近門本來打算頂波，但個波唔到，結果監硬用膊頭撞入，阿仙奴領先2比0。

車路士今仗雖然排433，但3箭頭韋利安、夏薩特同柏度洛迪古斯都唔係正宗前鋒，半場落後兩球，下半場狂攻，但阿仙奴縮後打451穩守突擊，車仔咬唔入之餘，阿仙奴仲有唔少突擊機會，賽事演變成攻防戰，車路士無法收復失地，最終淨吞雙蛋完場。