返回列表 回復 發帖

[遊戲] 英超估比分小遊戲- 曼城 VS 阿仙奴

本帖最後由 zzleezz 於 2019-1-30 09:58 AM 編輯

呢個星期一 4/2 半夜12:30 英超重頭戲 曼城 大戰 阿仙奴, 每人估一個比分, 估中加TVB 25元 & 功勳 25點
截止時間: 開波前1分鐘


我估先: 曼城 4-1 阿仙奴
附件: 您所在的用戶組無法下載或查看附件
1

評分次數

  • stedeke

經過周中快車賽程,英超最新積分榜唔睇唔知有幾亂。
由於利物浦喺主場以1:1打和李斯特城失分,曼城落後5分爭標仲未玩完。
另外,車路士作客以0:4慘負般尼茅夫,被阿仙奴騎過跌到聯賽榜第5位!
比起利物浦和波失分,車路士淨吞4蛋更慘情,目前佢哋同阿仙奴同得47分,得失球差都一樣,不過入球唔夠對方多跌到第5位,咁嘅結果曼聯最開心,因為紅魔只係落後車仔同兵工廠2分,仲有機會爭入前4名拎到下季歐聯入場券!

英超最新積分榜
排名 球隊 積分
1  利物浦 61分
2  曼城  56分
3  熱刺  54分
4  阿仙奴 47分
5  車路士 47分
6  曼聯  45分
只列前6名
我估先: 曼城 3-1 阿仙奴
1

評分次數

  • zzleezz

我估第2: 曼城 2-1 阿仙奴
1

評分次數

  • zzleezz

提示: 作者被禁止或刪除 內容自動屏蔽
本帖最後由 supertaz 於 2019-1-31 05:52 PM 編輯

我估第4: 曼城 2-0 阿仙奴
1

評分次數

  • zzleezz

全部都睇好曼城... (有種不祥的預感)
我估第5: 曼城 3-1阿仙奴
1

評分次數

  • zzleezz

阿仙奴新兵登場狙擊藍月亮
英超今晚上演重頭戲,衞冕的曼城將在主場迎戰阿仙奴,剛輸波的曼城近期霸氣全失,想「拆廠」似乎並不容易。

曼城上場不敵紐卡素,近9場聯賽贏5場輸4場,現時落後「一哥」利物浦5分,之後比賽不容再有絲毫犯錯,阿仙奴今季強強對碰表現不俗,贏過熱刺同車路士,亦曾令曼聯同利物浦失分,絕非不堪一擊球隊。

阿仙奴今場更有新兵助陣,西班牙中場丹尼斯蘇亞雷斯,可以候命,這位好波之人創造力強,奧巴美揚同拿卡錫迪必有更多入球機會了。
附件: 您所在的用戶組無法下載或查看附件
曼城:3-1
英超周六深夜重頭戲,曼城主場鬥阿仙奴。雖然兵工廠曾憑哥斯尼一度追成平手,但成場波藍月亮踢得勁輕鬆,其中阿古路更周時如入無人之境,開波僅46秒就於門前頂入打開紀錄,於半場完結前門前輕鬆撞入為主隊再次領先。換邊後阿仙奴連過半場都難,最後阿古路用手撞入大演帽子戲法,藍月亮輕描淡寫贏3:1完場,同榜首利物浦只有2分距離。

曼城領隊哥迪奧拿今仗出「3241」怪陣,費蘭甸奴、根度簡打防中,奇雲迪布尼同大衞施華當雙核心,史達寧、貝拿度施華踢左、右翼,齊齊支援單箭頭阿古路。一開波主隊就大軍壓境,伊禾比遲遲唔解圍被迫甩皮球,曼城左路一出阿古路近門頂入,唔夠1分鐘就入波。之後梅斯達菲拉跌阿古路,球證竟然冇判12碼。9分鐘迪布尼右路罰球斬中拿樸迪頂入,但就越位在先。阿仙奴之後第一個攻勢就扳平,11分鐘左路角球開出,蒙維爾一跣中路,哥斯尼近門頂入追成平手。兵工廠意外追平,局勢亦拉成均勢,但兵工廠始終守唔住半場,44分鐘根度簡唧傳靚到爆,史達寧左路一出,阿古路門前射入,半場曼城領先2:1。

換邊後藍月亮撳住對手嚟踢,如非賓特尼奴左飛右撲早已輸夠五、六球。52分鐘迪布尼禁區外勁射,尼奴救到甩手,大衞施華趕到,但尼奴回身擒住個波,1分鐘後迪布尼禁區頂又怒射,尼奴再次擋到。3分鐘後史達寧畀穿對手防線,迪布尼近射再次畀尼奴封位救出。但久守必失,60分鐘史達寧左路地波傳中,阿古路門前飛鏟入網,但睇番慢銳,阿古路係鏟唔應個波,最後個波撞到佢隻手彈入,不過球證睇唔到入波照計。76分鐘阿古路禁區頂一篤射中哥斯尼,尼奴飛身救出,爭些少大四喜,但曼城最後照贏3:1,多踢利物浦一場下,追到只剩2分。

阿古路賽後承認,第三個入球係手球入波:「本身我以為係用個胸撞入,但睇番重播,應該係撞到隻手。」阿仙奴今仗面對強敵絕對完敗,下半場連一次射門都冇。對上一次兵工廠於英超45分鐘冇射門,已經係2015年5月對曼聯嘅事,當時兵工廠上半場零射門,事隔近四年又試冇起腳,領隊艾美利要執好阿仙奴堅唔易。
附件: 您所在的用戶組無法下載或查看附件
返回列表