返回列表 回復 發帖

河馬仔最近賭博

 ,  描述: 總額
上年累績 : - $197900

(以下分析只是河馬仔個人觀點,注數只是河馬仔自己會買的,僅屬參考而已,賽馬沒有必勝,絕不可以孤注一擲或投注過度。)

第五場三T次關,退出隻「大四喜」是否預示冇馬放頭呢?

「明駿之星」 感覺應算穩陣,但上場對手是否好強就見仁見智,而此駒幾場之感覺是一匹千四均速放頭馬,多過一匹千二短途馬。今場內欄之馬匹並非完全零前速,特別是補出的「濃有」其實是一匹好典型的真正放頭馬,用回潘明輝可能會放到更前,而「贏多多」如跑回第一次跑千二的走勢的話,前速可以較預期快好多,此駒是否容易自己走到埋欄就相當疑問,今場對手實際有匹三班份子或四班此程根本有能力打疊贏的馬匹,大熱仲要加磅要估。

「濃有」個口有點問題,留後可以飛得,但如放頭其實一千個場看似力度欠奉,講真隻馬跑親都縮耳又係一般。

「睡眠大學」必有大量賭博大戶吼實,但用上傷後復出的沈拿,加上今季合作多駒據知僅得一W,仲要今次三隻出賽合作馬中,操得最少又以前冇跑過,跑千二係好但會否RUN多一場更好?

「好友利」上場一來對手弱,二來主要對手跑得好錯,三來隻馬前速其實可以相當慢,此駒並非未試過四班早段甩馬群,排大外檔仲惡跑。

「開創傳奇」其實能力不差,但講真此組合又真係好生面口。

20190608「河馬仔賽馬專欄」真金白銀投注紀錄
位置Q 第五場 1玩得好 4生生發發 8贏多多 $5000.00      $15000.00
單T     第五場 1玩得好 4生生發發 8贏多多 $1000.00      $1000.00
20190608「長期運桔的河馬仔賽馬專欄」,當捉到隻80倍大冷門而居然輸的是兩隻熱門份子,今季自知也迴魂乏術。

是日 : - $16000 + $1500 = - $14500

上年累績 : - $197900 - $14500 = - $212400
返回列表