今年9月初德國IFA展覽上，首度曝光的Cinema 3DTV LZ9900，其72吋畫面配合金屬邊框，帶畀現場觀眾極大視覺震撼。估唔到兩個月後，這款最新3D電視已運抵香港，仲夾埋黎明3D MV《情》大搞首播會，引到Fans口水流，雖然開價$118,000，但以頂級享受去衡量實在唔貴！多色型仔3D眼鏡72吋有幾大？即係電視畫面對角線有6呎咁長！而且仲要3D立體顯示，可想而知由LZ9900顯示3D畫面時，效果有幾震撼！新機屬LG頂級電視系列，規格沿用新款Smart TV的FPR技術，即係毋須佩戴又重又要充電的主動快門式3D眼鏡，用番一般入戲院睇3D電影的偏光3D眼鏡就搞掂。只是一般3D眼鏡框大多黑色，而LZ9900就玩新意思，附上橙、白各兩副3D眼鏡，還可配齊橙、白、青、藍及深藍5色Party Set，好似黎明當日出席LG×《情》3D MV首播會時，就戴上青色3D眼鏡，型！
層次突出冇殘影正如黎明台上講，今次拍《情》3D MV的最大挑戰是如何將一首慢歌變成3D，唔似早前《遲D見》3D MV咁易處理。《情》3D MV用上高對比色調拍攝，既凸顯到LZ9900對比層次的處理強項，連女角現身、水花四濺到MV尾段飛車上天，都夠晒3D！要睇清MV的黑位Detail，新機所採用的Full LED背光技術應記一功，這技術可將畫面劃分成多個方塊，每個方塊各有一組獨立控制開關的背燈，令光線更均勻、色水更鮮艷。而且電視加入TruMotion 400Hz動態顯示技術，睇完MV轉去睇運動比賽等高速移動畫面，都唔怕見到殘影。
Smart TV易操作顯示技術固然重要，另一方面操作是否易用，同樣是用家考慮因素，尤其以LZ9900這類頂級3D電視，用家真係唔會妥協。作為新一代Smart TV，各位可自行下載LG Apps到電視，提升娛樂功能及接收各類資訊，並可用Magic Motion Remote Control以游標操控設定，唔使怕遙控器太多按鈕而搞到一頭霧水。另支援Time Machine Ready錄影功能，以及可無線連接其他影音設備的Wireless AV Link影音傳輸技術，而且插上USB手指即可播放DivX HD Plus等主流格式影片，甚至可經Wi-Fi接駁電腦或手機隔空傳片添！
|
發表於 2011-11-8 07:46 AM
| 
發表於 2012-3-17 09:06 AM
|