【絕望真相】-《廿幾歲原來真的不像你預期》

相信每個人細個都曾經幻想過自己廿幾歲係點，而年少無知、天真爛漫既少年總會偏向相信自己係天資聰穎，獨一無二，前方等緊我地既必定係精彩傳奇的黃金十年，就算唔係維護世界和平，化解核彈危機或者解決糧食問題，至少都可以成為一個發火發熱、貢獻社群、受人注目既有為青年。
可惜，轉眼間三字頭都逼在眉節，生活卻有如星爺喺《功夫》入面幾經辛苦搵到火雲邪神，最後發現係一個底橫膠拖既呀叔一樣，你回首畢業後的數年，原來只係一個不外如是既打工仔，庸庸碌碌、渾渾噩噩返工放工咁過左大半，青春小鳥靜靜飛走，唔止世界，連廿幾歲都真的不像你預期。
　
踏入廿幾歲既最大震撼，係曾經以為自己可以青春不老，但某年某月某日某一下你會驚覺，原來生命只係不斷倒數，仲用緊升壓窩瘋狂加速。
　
明明中學六、七年、大學三、四年都過得異常漫長，每次諗起將來都覺得「三十歲？有排啦！」；但一出黎做野，喺返工放工括號N次方既無休止輪迴下，你會久唔久就想大叫「啲時間過得咁快既！」，三字頭由遙不可及到近在咫尺，成為即將要面對既現實 — 原來自己係會老。
　
西歷新年之後又到農曆，明明岩岩先定下「今年目標」，轉過頭已經聖誕。慢慢你會分唔清邊年打邊年，「幾時入呢間公司呢？」「Tiffany前年結婚架，唔係喎，定大前年呀…」可能係要記既事太多，又可能係生活已經平淡似水，當年讀書的多姿多采無以為繼，從前所期盼的五光十色、意氣風發卻沒有出現，依家只能靠Facebook memories，去丁返當日的年輕貌美同年少輕狂，這是你第一次怕老。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。6 D0 x. d$ o5 P$ Z4 w1 Z. d2 e4 V
　
而人事除左變得好快，亦變得好快。講起Facebook，十年前覺得開左Facebook已經係潮流尖端，你點估到今日Facebook原來係「呀爸呀媽先用」，能夠咁快榮升父母，究竟應否欣慰？當你見到果條好hit既補習社片，條得烕既靚仔笑人用Facebook，你心中難免有煎佢兩巴既衝動，然而，你心知肚明，今日仲養緊蛙，聽日再post都俾人笑啦，生活、社會的節奏好比樓價和樂瞳身材爬升的速度，當你留意到已經太遲。
　, E! @* ~& A7 b2 h" v  ?
當有些事物光速般前進，有些人事卻不斷倒退 — 父母徐徐老去，身體記性轉差；曾經追/丁過既女今天不復當年勇；當日你覺得充滿威嚴、睿智的老師亦老態畢現，曾經的球星唔係即將退休都職業生涯晚年，個個由TBB轉睇泡菜劇聽泡菜歌，當你想繼續堅持那些由細陪到你大的廣東歌，你赫然發現佢地竟然出現係《流行經典五十年》，更震撼的是，連愛情動作片的女主角都已經係千禧BB。
　www3.tvboxnow.com' B* c6 z  C$ r% r" \$ ?
跟手你會覺得從前的歌手才是明星，當年的歌曲才是音樂，舊時的電視電影永遠好睇啲。星期日的下午，你還會坐下來睇足成套《午間星期日影院》，對著那套睇左一千次既《家有囍事》和《嚦叶嚦咕新年財》發笑，「Shit..」，你終於留意到，自己開始變成小時候恥笑的父母親，這是你第二次怕變老。
　& b, n" b( r! f
仲係學生時銀根短缺，唯有期待長大後的夜夜笙歌。到終於有啲錢，又點估到自己由以前的千杯不醉，變成去食飯淨係想要杯暖水。當天打通宵牌、唱通宵K第二日仲可以飲早茶，依家一點鐘都嫌夜。偶爾一次朋友請飲飲到不省人事，頭痛左兩日發誓唔再飲(咁多)酒，你已經由抗拒變成接受自己不再年輕。1 I/ p1 ~( o9 F4 q. P: c7 l
　
不斷劇變的世界加速你的老態，而返工既生活就會令你覺得乜都變哂。# m9 y1 J7 u1 c$ y  s, a
　! r/ W) \0 U# F& ~! A" \
十年前，你無諗過起身返工原來比起身返學痛苦十倍，亦無諗過每天起身都會check港鐵會否延誤和大市股價有否插水。唯獨不變的是每早喪屍般出門時也應承自己今晚要早睡早起，到晚上卻又不捨在床上僅餘的私人時間而狂碌電話。tvb now,tvbnow,bttvb- c  u/ x- \% I
　
身體變差了，易攰易病易眼瞓，到某次沖涼照鏡，明明瘦足廿年既你，竟然開始有肚腩，你崩潰之餘亦立志學人做Gym，這亦解釋了何而那麼多人由細到大無運動，到中年卻無端端開始跑步行山投奔大自然。除了身，還有心，你會感受到自己對很多事情、活動驟然失去興趣和熱情，所以除了運動，也會無離啦更搵野學，打鼓結他畫畫鋼管舞二胡乜都好，只希望在日日返工放工既迷霧裏，找到一點生活的變化。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。$ f0 e' z! A4 \. Y- R
　公仔箱論壇# k# |6 Y/ y+ o3 C; S3 G1 b
慢慢你心裏有一千件事想完成，好告訢自己青春還在燃燒，生活仍可改變，但理想歸理想，得不到也等於妄想，工作疲累與生活壓力，已經讓你無法持之而行全力做好一件事，最後只能不了了之。所以每到新年，看到身邊人話要多愛自己身邊人，開心樂觀積極減肥學呢樣果樣，你慢慢明白，同香港既民主運動一樣，「口號黎既姐」。
身於香港異常的矛盾和壓逼，旅行成了你的終極娛樂，甚至是一種信仰。相信只要有旅行去，一切問題、煩惱、迷茫也能取之而去。年少時的旅行，盤川所限只能窮遊，沒有物質的享受，過程辛苦卻難忘，那時你下定心日後賺到錢，必定要重遊那些曾經走馬看花或甚至無錢踏足之地。今天錢真的搵多了，但估錯的是無論時間、假期、精神也只容許你趕頭趕命早機去晚機返，曾經幻想的「一個月漫遊東歐」已經不切實際，能夠偶爾「東京四日三夜」已算不錯，但中間仲要不斷諗買咩手信返公同覆老細同事Whatsapp。在Facebook IG 瘋狂分享刺身海膽和帶子，成為你一張引以自豪的成績單，整年的快樂建基於離家出走，你分不清應該高興還是失落。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。7 D% D9 Z6 K5 E6 C; A" n9 W( ^9 M
　% l( V9 d' F. ?1 H* r( L; Y) |
廿幾歲的第三個震撼，係你終有一日要接受，自己不是太出色和優秀，甚至比7仔更普遍。
　
曾經你憧憬自己即使不能穿梭於中環金鐘，面對無敵海景，生活閃爍得讓人眩目，也至少是一個飽讀詩書既知識份子，可以盡一己所長，在喜歡的工作中追求卓越。唯獨今日和卓越最接近的一刻，是偶爾到卓悅買落妝水。幸運兒還可以戴個MT光環，卻打份普通得從未想像過會做的19工，不幸的甚至只能在中型公司做個「Executive」。最初你難以接受，深信是懷才不遇，千里馬總會遇上伯樂，但隨著年華逝去，你逐漸醒覺，原來並非「不遇」，而是根本「無才」。
　
看見公司的Fresh Grad新人，你笑他們戇下戇下的同時，也十分懷念自己的衝勁，你接受唔到自己已經唔再「新」，但身體卻非常適應公司甚至社會的一切規則 — 不太大癲大肺、情緒沒有起伏波動，失去主動幫助別人的心，每天上班下班沒有特別感受，返工笑臉迎人，放工木無表情，漸漸竟然成為曾經所討厭的人。tvb now,tvbnow,bttvb2 D4 e7 c' u9 a8 P0 g6 T
　
而人工成更加成為了你意想不到的重大考驗，曾經你覺得搵萬幾兩萬蚊都好多好夠洗，大個先發覺搵得愈多，洗得仲多，錢儲極都唔夠，每個月一出糧又交咭數，交完咭數又好似無出過糧，然後又要碌咭。若然廿到尾仲搵緊一字尾二字頭，其實真係唔知點講出口，你會懷疑讀左咁多書究竟為乜？但你見到報紙話香港廿幾萬人住劏房，當中有5000個係行政人員，自己能夠成為全港三份一既公屋戶其實已經OK。你親身領匯緊香港愈趨誇張既貧富懸殊，同埋缺乏上流空間，寧願經濟冧樓價跌都唔想市道好，因為你知道就算經濟幾蓬勃，都係「從來沒我份犧牲當做例行」。tvb now,tvbnow,bttvb7 c( x0 q( t$ M  K0 ]8 Q  o
　
到你捱到慘過做狗加人工，以為錢搵多了就會更開心，生活卻無隨之變得更快樂。責任重左，要兼顧、計劃既事多左，父母、愛情、前途，樣樣都逼在眉節，刻板生活卻又不斷重覆，明明每天安坐Office，放工放假都攰到唔想出街，如果真係住得遠，返工放工兩程車，已經夠你情緒跌入黑洞，返到去乜都唔想煩唔想做唔想理。
　
除左人工，唔知自己「做緊乜」同「想做乜」先係更加濕滯。可能你已經轉左幾次工，但好似無一份真係好鐘意，你開始明白唔係無鐘意既工，實情原來你根本唔鐘意返工，只係愈黎愈著緊人工同埋幾點收工。當你仍然毫無方向，前途和收入沒有多大晉升希望，你竟然開始去考從來無諗過做既政府工，當然，唔係話考就考到。tvb now,tvbnow,bttvb' C( P9 k; `+ |& l  x" v
　　
偶爾回看Facebook Memories，想起讀書時的夢想，又或者受左太多氣，都有祼辭、再讀書、Working Holiday既衝動，但一諗起無收入、無家用俾，你既遐想就瞬間消逝。www3.tvboxnow.com: I4 d; Y0 G0 U. T7 W. [
　' m4 E% X, ?( C6 K
因為你諗起你爹娘，佢地可能就退休，甚至已經無收入。偶爾凝望好耐無細心留意的雙親，會發現他們多了很多的皺紋和白頭髮，你記得自己曾經好唔鐘意屋企，喺Facebook打過「點解要生我」，諗過廿幾歲一定要搬出去，到今日明白原來已經唔知可以對多幾耐，仲有幾多餐可以同父母食，吃到他們親手煮的餸，你的眼眶有點紅，這刻你終於成熟，但同時伴隨既係傷感 — 好想俾更好既生活佢地，但你有心無力。
　www3.tvboxnow.com5 B/ P, h. `' j3 T4 @+ |1 ?" K
呢個時候，你想搵人傾下心事，抒發下平日視而不見既鬱結。但望住contact list，大部份朋友已經變成「好耐無見啦」「幾時出黎呀」「好呀」之後對話就會停止。你估唔到曾經一星期打四日波既好兄弟，出五次街既好姊妹，都一一失散，你甚至連咩原因無再見面都諗唔起，係你約左佢19幾次佢都唔覆甩底，定發左佢脾氣，還是各自有新朋友？" D; y" ?) r8 t. N; i$ V
　
那些曾經一日一千幾百條message既Whatsapp group亦不再活躍，當年Grad Trip後約定的旅行，你知已經無可能，就算係平日普通食個飯，都可能要搞兩三個月，仲要OT遲到，然後閒話家常同做啲基本update就要趕住走第日返工，珍貴既星期五六日亦未必排到你。慢慢去到一個境地，新相識不太熟，舊友又找不回，真正keep到的好友屈指可數，有愈黎愈多去飲先見到既朋友，其餘的只能在IG Facebook看到他們的近況，還有充斥著海量既長輩圖。www3.tvboxnow.com2 i. x3 ~% n$ Y  A" t
　
當年可以講通宵電話，今日即使徹夜難眠，想搵人吹下水，打算WhatsApp某人，但諗起寒喧幾句之後都唔知點收尾，又或者只會收到「下，你過得好好啦咁都唔開心？」，你寧願繼續上IG、高登。最後，你會發現一個人都可以好好生活，習慣很多事只能自己解決。
　公仔箱論壇, q1 |! G/ l. y$ w4 O& r# Y% A6 e0 v* A0 Y
但諗係咁諗，望到快要到來既三十歲，你有啲怕獨自面對，想起自己曾經昐望的真命天子的模樣，曾立志要幾歲結婚，婚後生活多麼甜蜜動人。奈何情路崎嶇既，繼上次分手後，已經2年無拍拖，曾經笑人用交友App，估唔到今日自己都想用。堅持的擇偶條件竟然變得愈黎愈少，或者男性比較專一，仍然只睇外表，但女既已經轉移重視人工、事業，「做政府喎」、「有車有樓！」，或者真係要搵到岩條件既唔難，但心跳的感覺已經一去不返。tvb now,tvbnow,bttvb9 W) G! Y# R0 U5 t+ N* k& h% A9 h
　
而有拖拍既，幸運既可以早日行禮，唔好彩既仲要為首期操心。而喺等待成為樓奴既途中，更加可能出現比力威更嚴重既掙扎 — 已經要討論成親，卻懷疑到底呢個是咪真的可以付託終生，同時又怕關係有變，適心栽種全力貫注既感情付諸東流，呢個年紀分手又要重頭黎過。算真係買到樓，結到婚，今時今日既香港，生仔與否已經係一條會考級數既選擇題。
　
我們被逼成熟，但未來得及成長，便已經老去。做仔做女既時候總係「相信」、「以為」，到今日最多既係「竟然」、「原來」。「還記得有多久未好好哭過嗎」，聽周國腎的《Children Song》，第一句已經入心入肺。公仔箱論壇7 V- P0 @. W  \2 C) H$ z
　
雖然估唔到既事十件有九樣衰，但認清現實既殘酷先更能夠勇敢向前，好彩今日廿幾歲既我地，係睇日漫日劇、聽勵志歌長大，熾偉用四集輸左二比零，仍然會講「比賽依家先開始呀！」；就算好似三井壽咁崩潰，安西教練都話，「以家放棄既話，比賽就結束了」，我地都深信日後盡量別教今天的淚白流，誰都辛酸過，那個沒有？
　TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。, J4 G9 z# ]: I
呢排身邊好多好多朋友迷茫失落，不如意事十常八九，唔知前面會係乜，但同十歲估唔到廿幾歲係點一樣，一路走來，繼續前行，總會捱過。2018過左兩個月，提提大家返屋企同爹娘食飯，珍惜果幾個僅餘下來搵你唔係買基金保險既朋友，把握時間行山跑步轉工學野，有另一半既，多謝佢一路走來仍然不離不棄。
　
原來，呢篇文打左14個原來。公仔箱論壇1 R3 O3 }! ~2 A& Y0 q1 ^  {3 Q
原來，廿幾歲真的不像你預期，但只要一息尚存，始終可以重新做起，只要你仍未放棄。
　
逆行

收藏分享評分

回復引用

訂閱 TOP

返回列表