[美食介紹] 紫色荷蘭薯　燜極唔散

昨日行油麻地街市，見到幾個師奶圍住菜檔七嘴八舌，伸個頭埋去八吓，見其中一個師奶手指指篤住個薯仔話：「紫紫哋色嗰個咪係荷蘭薯囉，唔係成日有 o架，好食過黃皮本地薯，燜煮一流，唔會散晒！」羊群心理，一於買來試試，平均都係$2個，橫掂諗住燜咖喱牛腩畀老公食。結果是煲牛腩燜咗成個幾鐘，燜薯仔仲好靚仔，無散無變糊，但食落夠腍，薯仔味仲好濃郁，個師奶果然無介紹錯！