[討論] 利物浦實力大增,車路士要提前奪冠恐怕唔易”——英超新賽季四大球會前瞻

brightcjy

英超新賽季就快開鑼啦，目前利物浦、阿仙奴、車路士、曼聯等大會都密鑼緊鼓咁招兵買馬。下邊我就嚟分析一下佢哋目前嘅情況。

利物浦

加盟
禾路連（烏克蘭前鋒）<-  利華古遜 免費轉會
費蘭度托利斯(西班牙前鋒) <- 馬德里體育會 轉會費2650萬英鎊+路易士加西亞
班拿約（以色列中場）<-韋斯鹹 轉會費 500萬英磅
賴恩巴布（荷蘭中場）<-阿積士 轉會費 1150萬英磅
離隊
路易士加西亞（前鋒）->馬德里體育會　交換

阿仙奴

加盟
伊度亞度達施華(克羅地亞前鋒) <- 札格雷布戴拿模  轉會費800萬鎊
法比安斯基(波蘭守門員) <- 曆基亞  轉會費200萬鎊

離隊
潘姆(守門員) -> 屈福特  轉會費唔知，35歲了有都唔多了
艾利亞迪裡(前鋒) -> 米杜士堡 轉會費200萬鎊
亨利(前鋒) -> 巴斯隆拿 轉會費1600萬鎊

車路士

加盟

賓希姆(後衛) <- 保頓 免費轉會

大衛比沙路(前鋒) <- 拜仁慕尼克 免費轉會

薛維爾(中場) <- 雷丁 免費轉會

離隊

謝列美(後衛) -> 紐卡素 免費轉會

曼聯

加盟

夏甲維斯(英格蘭中場) <- 拜仁慕尼克 轉會費1700萬鎊

蘭尼(葡萄牙中場) <- 士砵亭  轉會費1400萬鎊

路易士安達臣(巴西前鋒) <- 波圖   轉會費1700萬鎊

   從上邊情況可以睇出，利物浦本季確系落重本，已經用咗4300萬英磅了，聽講賓尼迪斯仲要買曼聯嘅軒斯，睇嚟佢哋真系好想挪英超冠軍了，要知道4300萬對曼聯同車路士嚟講唔算乜嘢，但對利物浦真系老本都出埋了，我睇英超咁多年都系頭一次見利物浦咁大方。

再講下車路士，艾巴莫域治今季似乎冇入乜嘢貨了，唔知系摩連奴唧意思還系佢認為隊波已經好強了冇必要了。不過摩帥今次可能打錯算盤了，佢估唔到利物浦今季會咁大手筆，佢此前認為只要一直釘死曼聯想提前幾輪奪冠並非難事，不過宜家多咗隊利物浦形勢就變幻莫測了。

至於，阿仙奴，我真系佩服雲加了，佢系個經濟學碩士，事實上已確實如此，人家響轉會市場上都系投錢，佢就今季到目前為止就已賺咗800萬英磅了。唔知今季佢希望有乜收穫了。

最後，要重點講下曼聯了。我講一下我作為曼聯擁躉最擔心嘅3樣嘢：

1．我唔否認費格遜爵士對曼聯作出嘅貢獻，曼聯有今日佢系居功至偉嘅。但隨著時間嘅推移，我知道曼聯已經唔再需要佢了，而目前只系未揾到適合人選代替，就只能等爵爺再做多幾年了。

2．其次，響後腰呢個位置上，自從堅尼退役以後，曼聯嘅中路就成咗軟肋，特別俾對方響中場斷球後反擊，中路就特別容易俾突破。咁樣一嚟，曼聯2名中衛壓力就大增，上季曼聯奪冠後好多媒體都盛讚費甸南同維迪就充分印證呢一點。但大家有冇諗過，一旦遇上中衛狀態唔好或者受傷或者停賽，對方中鋒一旦得球，由於現時曼聯後腰系軟肋，中路就好容易造成失球。上季有段時間費甸南同維迪冇上場，曼聯失球就激增，幸好嗰段時間冇遇上強隊，唔系就大鍋了。

3．最後，GK位置上，自舒米高後，費sir經已換咗好多人，目前雲達沙雖然可解燃眉之急，但佢年事已高，始終唔系長遠之策。再加上目前曼聯中路空虛，GK作用就尤為明顯了。

其實，曼聯當年成為3冠王，就系3個關鍵人物：費格遜、堅尼、舒米高。但如今費格遜已冇複不當之勇，後2者又已先後退役，此2人又遲遲未有替代者，導致曼聯近3年僅得1座聯賽冠軍。

好客觀咁講，如果曼聯再以目前嘅狀況落去，要確保聯賽前3去打歐冠杯並進入8強絕冇問題，不過如果要再現當年3冠王嘅風采就必須響上述3個位置上揾到合適嘅繼承人。當然講就簡單，做起身就唔系咁易了。曼聯繼續加油了，廣州除咗我哋以外，連阿仙奴擁躉都好支持你哋，佢哋講下次曼聯再嚟廣州打比賽一樣入場支持。