rivaldoliu

利物浦买咁多前锋返黎都唔知做咩野，本身佢的锋线就唔弱，高治无端端给奔尼迪斯有意无意咁忽视。高治的能力真係不容怀疑，每次替补上亲嚟基本上可以制造到威胁。宜家卖咗斯斯，又买返两个返黎，摆明高治依旧係替补的命。奔尼迪斯响呢个问题上表现的太奇怪了。反而问题相对较大的后防佢没做任何举动，除咗轩斯。门将方面连拿上赛季的状态明显不如前赛季，加上杜迪克离队，利物浦的门将位置如果出现任何问题，佢地可能就只有卡臣可用了（玩过FM都知佢係边个，现实中係英格兰U21出场次数的保持者and正选门将）。

车路士2000万买咗马卢达，如果成功留住洛宾，摩连奴可能会重新起用横行英超2年的两翼齐飞打法。呢个打法先係摩连奴最厉害的杀手锏。而其他位置车路士都通过免费转会获得一定的补充。车路士今年的班底基本上同上年一样，一个健康的施治和泰利，车路士绝对係曼联最大的对手。

阿仙奴，一班青年近卫军。有朝气，但係经验稍微有D不足，等酋长球场的贷款还塞后，阿仙奴先係真正发力之时，不过呢个日子都好快来临了，我记得好似还5-6季就得了。所以呢几年阿仙奴没任何大投入係正常的。但係雲加係一个善于培养青少年球员的教练，响阿仙奴青年队可以讲係堆积了一堆优秀的青年球员，上赛季联赛杯雲加派出一个比较次选D，新D阵容出战，最后都可以拿到亚军，证明咗呢班人係有一定级数。佢地两次大抄利物浦的表现，更加係令人印象深刻。可以遇见就係雲加今个赛季会给更多机会呢班后生仔，等佢地吸收多D经验。等还完酋长球场的贷款，呢班后生仔都成长得7788了，再重金投入响1-2个不足的位置上面，未来的阿仙奴将会非常恐怖。不过呢1-2年内，佢地没太大竞争力。
另外，伊度亞度達施華的劳工证出现咗问题，不过阿仙奴应该搞得掂。隆格宝已经转投维斯咸，阿仙奴的老臣子走得7788了，下赛季更加小鬼当家。

而曼联宜家的打法同99年的曼联唔同了。中场没咗坚尼，但係我地有C朗。当年曼联係左突右出，加上前面双鬼拍门，攻击体系好完美。宜家的曼联係攻击线係超高自由度，令到对手难以盯防，下赛季加入几个新球员后，将会进一步完善呢个攻击体系。而中场的组合，如果可以用卡域克+夏格维斯，相信唔会比当年坚尼+史高斯差。曼联最大的问题始终仲係锋线。曼联缺少一个有云佬的入球效率，但係又可以同后插上的攻击手做配合的前锋。遍观整个英超，最适合就係贝碧托夫了。可惜曼联选择了tevez。tevez同佢地几个配合没问题，而且门前把握能力比朗尼稍高。但係咁样曼联新赛季的攻击可能会唔够丰富，可以预期的係，曼联将唔会有太多运动战里面的头槌入波。
曼联卖咗第一个人了，理查臣5.5M卖咗个新德兰。

另外，我觉得楼主睇少咗一队波，就係热刺。热刺买埋大奔，锋线可以讲係极尽奢华。贝碧托夫、迪科尔、坚尼、大奔，呢个组合可以傲世英超群雄了，只有利物浦同车路士可能比佢的锋线强D。上赛季热刺响失去咗卡域克后曾经经历咗短期的阵痛。但係到咗联赛后半段约尔已经基本上解决咗呢个问题。下赛季热刺可能会对阿仙奴的联赛第四发起强烈的冲击。另外佢对4强的战绩，可能会成为影响夺冠的胜负手。

另外呢篇文章D转会消息都有D年代久远的感觉啦，应该更新下再写，可能会睇到更多的问题。