寶遜「貼士」果然夠堅！姚本輝：隻馬曾令我心都實埋

綠茵風采

寶遜是剛周日假期唯一到場操馬的外籍騎師，特意為姚本輝馬房「綠茵風采」快跳，其實一早向馬迷畀晒貼士，結果此駒果然有料到，於這晚第五場四班1200米爆10倍半冷Win，打開今季勝門，亦成為寶遜在港第三場頭馬，組合獨贏A3派21.5元。
所謂「剃人頭者，人亦剃其頭」！雷神這晚第四場以大熱門「聰明才智」影相氣走「可愛寶」勝出，第五場他一心以同樣大熱的「勁飛聖」起孖。不過來自新西蘭的寶遜做程咬金，唔俾雷神得逞，寶遜夥拍「綠茵風采」守三四位下，後上將放頭馬「勁飛聖」追過，四歲馬打開今季勝門，不枉寶遜剛周日一番心機操練。「綠茵風采」同時造就姚本輝與寶遜首次合作贏馬，馬兒本身累積兩捷俱谷草1200米，可謂路有所長。
「勁飛聖」末段最先出頭，可惜頂唔到尾，第八次出賽第四次做二奶，入Ｑ率高但仲未開到齋。三、四名順序為冷門「執子之手」及落飛馬「特務飛龍」，四重彩派六萬八千幾。
姚本輝指「綠茵風采」1月中時試閘流鼻血，搞到他即時心都實埋，因為心痛馬兒質素不俗外，馬主支持他已達20年，對他不離不棄。姚本輝指今場亞軍「勁飛聖」同樣是很好的馬，不過「綠茵風采」大一歲更為成熟，因此佔優。

1 評分次數

功勳 + 10 點 TVB + 10 元

goldmonk

收藏分享評分

回復引用

訂閱 TOP

返回列表