[新聞] 卡卡同所屬教會劃清界線

卡卡出晒名係虔誠基督徒，每年都向所屬教會《福音重生》捐獻巨額金錢。但卡卡最近決定退出，以後再冇瓜葛，估計係同教會始創人艾斯特萬兩公婆從事非法活動有關。卡卡本身每年捐逾千萬港元，今次教會真係損失慘重！

卡卡一向係虔誠教徒，不但私生活檢點，仲捐出年薪十分一給予《福音重生》，係該會最出名嘅信徒。但因為《福音重生》始創人艾斯特萬夫婦，去年因為非法轉移資金到海外，同被判處有期徒刑四年，再加上教會建築物頻頻發生坍塌意外，導致多人死傷，不排除有人侵吞捐款，從中獲取厚利。

上周四卡卡夫婦去完該教派舉行嘅一次活動後，就宣布正式退出，以後都唔會作出捐獻。卡卡於皇馬周薪高達十六萬七千鎊，年薪接近九百萬鎊，當中十分一已超過一千萬港元。

卡卡真係好虔誠。