澳洲一級賽 -藍鑽石錦標 分析
今年參戰馬實力接近, 可爭勝馬匹有4,5匹, 投注上可能有不俗回報, 因此跟各位分享下個人見解, 希望可以幫大家贏錢!
排位後幾匹賽前有機會爭勝馬抽得外檔, 如"千萬刀" (Jimando) 同 "義無返顧” (No Looking Back), 倍率急降至50倍同20倍, 投注上反而非常值搏。
大熱門當然係 prelude race (filly) 大勝3個半馬位的 "神馬待發" (Samaready), 賽事前快後快下直路中段推騎下彈甩對手, 腳法雖然並不秀麗, 但係那種蠻勁同鬥心非常厲害! 當然是爭勝主角。
"威霸將軍" (General Rippa) 一出即贏 prelude race (colt), 出閘稍慢下後上取勝。姿態尚算輕鬆，該場跑二,三,四,六名的津巴名山 (Rusambo), 發酵威力 (Ferment), 安達怒吼 (Andre Roo Hoo) 同 甘比亞素 (Cambiaso) 再次對壘。 論走勢, 餘駒很難反先, 唯一考慮"威霸將軍"前速不夠情況下, 在Caulfield 短直路取位的問題, 16匹馬, 今場雖有相當快步速, 但係5檔恐怕都係早段留守內疊最後3,4隻, 爭勝取決可否及時望空。
"義無返顧” (No Looking Back) 個人認為係"神馬待發" (Samaready)最強對手, 雖然抽19檔, 但跑法機動, 估計憑前速可守2,3疊4,5位之間。上仗Magic Millions 先過終點下被Gai另一匹馬Driefontein告甩, 但係睇唔到點解會甩。Driefontein已經肯定係金拖鞋其中一匹爭勝主角, 避戰今場, 除了因為已拼搏4場後稍作調整, 另一方面亦相信為"義無返顧” (No Looking Back)馬主們爭取殊榮, 如果有10倍8倍, 一定係重心投注對象。
“千萬刀” (Jimando) 抽大外檔, 前置馬預計賽事初段被迫走3,4疊, 不過論能力一定有入位機會。 上年初出一役可以輕鬆贏"天涯游俠”4個半馬位, 第二場只輸半馬位給兩匹今場爭勝馬"高堂精選" (Mama’s Choice), 同“卓越超凡”(Formidable), 估計會有50倍以上, 最佳冷馬。 |
發表於 2012-2-25 03:48 AM
| 