[報章轉貼]
花展期間吸引大批遊人參觀。
一連十日的香港花卉展於過去的周日結束，惟展覽過後竟「殘花」遍地。趙先生在本周一途經維園時，發現展場外圍有多個盆栽被翻倒，植物則奄奄一息，「好多花仲好哋哋，做咩要咁殘忍倒晒佢哋出嚟？咁做法啲花唔死至奇！」趙懷疑有職員於花展後蓄意破壞盆栽，令市民沒法拾取，認為保存完整的植物可轉贈有需要機構繼續栽種。
「冇承托隨時死」
「康文署明明話會將啲植物送出去做慈善，但依家就咁整死啲花，實在太離譜！」維園晨運客林伯則說，每年花展均製造大量垃圾，更直指職員「帶頭製造更多廢物」，要求當局認真檢討，考慮日後將植物贈予學校及志願團體繼續栽種，珍惜生命之餘亦減少製造垃圾。
展場內有健全盆栽植物疑被蓄意翻倒。
有職員為了取出卡板使用，竟「夾硬」將所有植物倒翻。
環保觸覺發言人譚凱邦指出，一般盆栽植物被翻倒後，植物根部與泥土分離超過半日或以上便危在旦夕，「棵植物打橫瞓低咗而唔係直立，冇咗承托就好難進行光合作用，隨時死得！」
嘥公帑唔環保
長春社總監蘇國賢亦稱，舉辦花卉展目的在於推廣尊重植物的訊息，可惜善後方法卻背道而馳，「既然每年花展完咗都剩低咁多時花（壽命及花期較短），康文署應該考慮用嚟堆肥、而唔係堆填！」至於有較多木質的多年生植物則可繼續保存，綠化街道。
立法會社會福利界議員張國柱直言對當局的做法大感可惜，「啲花咁靚，就咁掉咗佢真係暴殄天物！應該送去畀啲有老人家同病人嘅志願機構，裝飾一下院舍環境，氹下佢哋開心，或者派畀市民！」
「花卉展用公帑搞，展出十日就掉晒啲花又浪費又唔環保，仲浪費納稅人血汗錢！」立法會福利事務委員會委員麥美娟亦贊成將植物轉贈學校、老人院或醫院等機構，以達環保及回饋社會目的。
康樂及文化事務署發言人未有提供今年花展銷毀的花卉數目，重申已向三十間學校及志願機構送出逾二萬株可再用植物，包括石斛蘭及繡球花及等，但約十噸不能再種植的植物則送往廢料堆肥廠處理。至於展覽場外多個盆栽被倒翻一事，發言人僅稱發現小部分植物盆栽被翻倒，相信乃承辦商清理入口及附近搭建物時不小心引致，強調沒有證據顯示有員工蓄意倒翻盆栽。
|
發表於 2013-3-29 08:38 AM
| 
發表於 2013-3-29 08:59 AM
| 
發表於 2013-3-30 10:12 AM
| 
