[寵物資訊] 肺情已過？武漢動物園重開熊貓暴肥 !

2020年5月3日上午12:39

回想幾個月前，武漢首個爆發新冠肺炎地方，當地採取果斷封城措施，隨即規定所有人留於家中，而市內所有店舖及景點都封閉，包括武漢動物園。

隨著疫情穩定，武漢亦已解封，城中公眾場所及景點包括動物園都開放，而市民好關心動物園入面嘅動物，擔心入面嘅動物會於關園期間捱餓。事實上關閉期間，有熱心市民都不斷送食物予動物園，擔心物資無法運抵。不過封園過後，民眾走入動物園，發現嘅係入面兩隻大熊貓姊妹「胖妞」及「春俏」，分別肥咗7.5公斤及5公斤！

之所以會暴肥，原來封園期間工作人員都怕佢哋會餓親，餵咗好多竹畀佢哋，加上無開園兩隻熊貓不停食，結果反而增磅。除咗熊貓姊妹，動物園其他動物似乎喺閉園期間都過得唔錯，有一隻小矮馬及小鹿出世，仲被命名為「解封」及「重啟」。