返回列表 回復 發帖
manyiu

Rank: 24Rank: 24Rank: 24Rank: 24Rank: 24Rank: 24

分版勳章
1#
打印
tT
發表於 2020-12-1 10:43 AM | 只看該作者 ::: 一按馬上把這個話題放上你的facebook!! :::

[新聞] 被偷4日貓B可樂獲救 竊賊落網 !

2020-12-01

【本報訊】深水埗幼貓被偷4日，警破案拘任職便利店偷貓賊。荔枝角道224號一間建材店的幼貓「可樂」，上周五在店外享受陽光浴時，疑被一名男子偷去。店主報案後，事件被轉載至社交平台後迅速發酵，引起大批網民關注。警方於翌日出動60名警力，在區內大舉搜索賊蹤，又向市民及商戶等派發問卷，追查偷貓賊相關線索，經翻看大量閉路電視後鎖定目標。


警方在一劏房救回幼貓「可樂」。（劉子文攝）

昨晚7時許，警方展開採拘行動，在大角咀洋松街8至10號一劏房救回幼貓，並以涉嫌盜竊拘捕一名報稱為便利店職員的姓王（43歲）男子。警方經初步調查後，不排除有人覺得幼貓可愛而犯案，但警員在疑犯家中並沒有發現其他動物。經初步檢驗後，相信幼貓身體健康，並將其交回貓主。

找回愛貓 主人高興
貓主陳小姐表示，對於找回愛貓感到十分高興，並承認自己對於走失貓亦有責任，以後會更加好好照顧「可樂」。當日陳小姐指，「可樂」生性熱情不怕人，又曾幫忙捉老鼠，深得丈夫及兒子喜愛。


貓主（左二）從警員手上接回「可樂」。


警方將被捕偷貓賊押返警署調查。
1

評分次數

  • prodigydou

收藏 分享 評分
愛 Hamster 會發達!  

想知天下事~只需每日收看~“時事焦點”!
回復 引用

訂閱 TOP

itsctsu

VIP

Rank: 19Rank: 19Rank: 19Rank: 19Rank: 19Rank: 19

VIP勳章
2#
發表於 2020-12-1 07:17 PM | 只看該作者 ::: 一按馬上把這個話題放上你的facebook!! :::
人貓重逢｜「可樂」平安返家 女主人感動：真係一個奇蹟
建材公司店東夫婦飼養的3個月大幼貓「可樂」，上周五遭白衣男在門外偷走，事隔三日，警方拘捕偷貓賊並尋獲「可樂」，貓主馬氏夫婦對愛貓失而復得，坦言是一個奇蹟，「直情冇諗過「可樂」會返嚟，冇信心，覺得偷貓賊會滅口，佢生存機會好渺茫，當差人打電話畀我話搵到「可樂」，我冇出聲呆咗停喺度，隔咗一陣先識得衝上樓同老公講搵返「可樂」，見到「可樂」嗰一刻，眼淚喺咁流，好感動！」




可樂走出門口匿在卡板底，馬太即將牠抱回舖內。


馬太昨日從警員手上取回「可樂」，經愛協獸醫檢驗，「可樂」並無大礙，只是有小許受驚，着馬太留意及觀察「可樂」的情況，需時一、兩天始平伏。馬太今日凌晨將「可樂」帶回荔枝角道的舖頭，「我一直抱住佢，佢好鍾意我拍屁股呵佢瞓，佢好享受，佢一返到舖頭就衝上樓，但冇食嘢，明顯同平時唔同。」馬太心痛是她昨晚第一眼見「可樂」時，「可樂」發出恐怖的叫聲，「佢好似小朋友叫救命咁，我叫佢，佢先平靜咗。」

她感激媒體、警察、網民與街坊的幫忙，「冇諗到咁快搵到「可樂」，好幸運，離唔開大家嘅努力。」她丈夫獲悉尋回「可樂」的一刻，原本與熟客傾談生意亦放下，熟客亦通情達理，着兩夫婦趕快到警署認領「可樂」，他們在警署首先看到「可樂」的相片，一眼認出是牠，有仿如隔世的感覺。馬太笑言「開心到無法形容，唔可以表達此時此刻的心情。我等緊嘅時候個心卜卜跳，madam睇到我成個震晒，因為我好激動。」

「本來我唔抱希望，覺得「可樂」一定唔會返到嚟，因為太多人知道關注，偷嘅人可能都好驚，會將佢滅口，生存機會好渺芒，覺得佢不在人世了！所以接返「可樂」嗰一刻，我係好感動！」問到馬太會否嬲怒偷貓賊，馬太不諱言「唔係好嬲，自己都有責任，如果唔畀佢出去玩，都唔會畀人有機可乘！」

馬太指「可樂」今日仍有受驚表現，「平時我一返嚟，佢會即刻衝過來，又攬又錫，今日佢反而匿埋，豎起晒啲毛，係驚，今日我嘗試幫佢綁繩，佢都唔畀我。」不過，當馬太餵飼貓糧及零食後，「可樂」充電過後慢慢回復狀態，紮紮跳，由樓上跑到樓下，與馬氏夫婦團團轉玩得不亦樂乎。不過，受過教訓，馬太今日特別去買了繩子，「我會放佢入籠，買條繩畀佢，放佢出門口，會用繩綁住。」她說街坊愛與「可樂」玩耍，她昨日到警署途中，已收到十多名街坊朋友的訊息，通知她尋回「可樂」的消息，「前兩日有啲熟客仲發訊息畀我，叫我唔好唔開心，可能好快搵返，個個都關心「可樂」，我心中好感動。」


馬太買了新的貓繩。



可樂走出門口匿在卡板底，馬太即將牠抱回舖內。




1

評分次數

  • manyiu
回復 引用

TOP

返回列表