點解番茄仔葉枯晒

BombBT

上個月朋友俾左棵細細棵既番茄仔我，本來好地地，我見佢用個膠樽種唔好睇，於是換左個大小小既花盆，加多D泥，落少少柆肥，放係露台種，晚上淋少少水，點知越種越差，D葉枯晒，長左小小芽，但又有枯既績像，C兄可唔可以教下我點先救得番呢盆番茄仔........感激.......唔該

番茄仔12月2012

番茄仔1月2013

chowold2

番茄是需要頗為熱的天氣同陽光，相對因為熱所以也需要水。見來樓主的種植環境未必適合番茄。

vandas

有很多可能性...

~ 淋水不應該在晚上. 晚上相對日間的濕度較高, 留在枝幹之間的水份不易揮發, 對植物不好

~ 淋水時千萬不可沾濕蕃茄的葉片, 容易造成病害.

~ 蕃茄本身很容易染上蟲害、病毒, 包括黑黴病、細菌性斑點病、捲葉病、斑點萎凋病毒等等. 而且蕃茄的病毒傳染也很訊速, 有些病毒甚至可以令數條街之隔的蕃茄也受害.

另外蕃茄需要充足陽光及較溫暖的天氣, 如種植地區遇上持續低溫加上夜間過濕也會有病.

樓主加了一些泥, 如果是疏水的盆種泥potting soil還好(但我見到有不小一條條似是枯枝, 應該是普通種植用的泥土), 土壤不疏水也容易爛根.

在幼苗階段也不適宜施肥, 因為植物的根系尚未發展成熟, 易被肥料燒灼傷.

最後一張照片看見底部的莖已經發黑, 相信根部已經燴爛. 下次再努力吧!

BombBT

感謝C兄賜教，相信呢棵番茄仔都係命不久矣，當下唯有攞佢返入屋擺近窗台，希望佢能夠大步攬過啦，得C兄教左幾招，等春天黎既時候再種過幾盆。

ichanq

我認為系因為你換盆時傷到植物的根，才出現枯葉的症狀

chowold2

以下是一些栽種蕃茄少少意見：
蕃茄喜歡日照，盡量栽種在長時間有陽光的地方，澆水要澆在地面上，不要澆到葉子上，免得長毛的葉子爛掉。澆水時要一次澆足。把靠近地面的莖和葉都修剪掉，讓主幹變得粗壯一點，這樣之後結果時，蕃茄苗才會比較有力，能夠支撐果實。要架一個支架，蕃茄是很高很重，枝葉就可以搭在支架上，不會因為果莖葉超過負荷而垂到地上，那樣就容易爛掉。蕃茄開花便可以施肥

BombBT

6# chowold2
感激! 感激! 又學到野啦，等第日暖返，拿拿淋用C兄教既方法種返幾盆先，謝謝

chowold2

6# chowold2  
感激! 感激! 又學到野啦，等第日暖返，拿拿淋用C兄教既方法種返幾盆先，謝謝
BombBT 發表於 2013-1-21 11:46 PM

祝你好運，我舊年夏天種了三棵番茄仔，已經多到吃唔哂. 種得好不用種太多

vandas

補充一樣: 成果之後要減小淋水, 水份太充足蕃茄皮會脹爆.

BombBT

吓~乜會脹爆架，真系唔講唔知喎，chowold2 兄，我都系打算種3~4棵，希望好收成啦

chowold2

蕃茄皮脹爆是類似這樣

vandas

蕃茄皮脹爆是類似這樣

chowold2 發表於 2013-1-23 11:01 AM

你這兩個似乎未見果肉還可以吃.
我最初種的時候; 是爆開見肉怕有菌不敢吃啦.

chowold2

你這兩個似乎未見果肉還可以吃.
我最初種的時候; 是爆開見肉怕有菌不敢吃啦.
vandas 發表於 2013-1-23 11:43 AM

其實有D薄皮品種係容易爆開

sammi_libra

多謝分享，一於等回暖果時種番1棵先