有名你嗌阿特蘭

may5411

　　意甲周中快車前五位球隊齊失分，跌到一地眼鏡碎，為免再中招，今晚意甲Mic少決定向中下游球隊埋手，精心挑選阿特蘭大入球大。

　　阿特蘭大隊如其名，真係好「大」，今季聯賽開大場數冠絕意甲，尤其係主場開大比率，更高達百分之八十六，阿特蘭「大」之名，果然非虛。事實上，阿特蘭大攻力拍得住多支勁旅，聯賽入波數字甚至比AC米蘭同費倫天拿多，中場老將當尼寶刀未老，已經有十一球進帳，令唔少名牌前鋒汗顏。

　　卡坦尼亞弱旅送上門

　　對手卡坦尼亞聯賽作客已經九連敗，睇怕今仗都係任由阿特蘭大魚肉，除入球大之外，阿特蘭大主W亦可取。