[新聞] 英超大勢：藍月黯然 熱刺下盤奪目

nt1972

情人節英超好戲連場，除了有早場李斯特城訪阿仙奴的前列大戰，尾場由次席熱刺作客第四位的曼城亦睇頭十足；「藍月」上仗被李城技術性擊倒，士氣一般，今仗或有後防大將高柏尼復出仍難被看好；反觀熱刺哈利卡尼腳風甚順，故宜吼受讓平/半的熱刺下盤。（球賽編號：星期日25；now621台明日0:15am直播）

曼城今季表現不俗，本來大有重奪英超之勢，惟球會月初突然宣佈下季將以哥迪奧拿代替比歷連尼掌帥，球隊表現隨之走樣，上周主場更以1:3慘負李斯特城，排名跌至第四位，對球員士氣打擊不小。周日迎戰熱刺時，藍月亮賽前有好消息，隊長兼中堅高柏尼已傷癒可以候命，但其狀態成疑，未必會以正選披甲；中場大衛施華亦因足踝受傷上陣成疑，加上主力如奇雲迪布尼等續要養傷，曼城陣容未算完整。反觀熱刺各項賽事近六場全勝，狀態甚佳；前鋒哈利卡尼腳風順之餘，小將如迪利阿里亦表現搶鏡，今役受讓甚筍，合心水更可冷敲熱刺客W，有3.45倍。

       

       

紅軍贏質素上盤突「維」
至於阿士東維拉迎利物浦一役，包尾大幡維拉當然要全力搶分，卻欠贏波板斧；就算季中易帥由加迪執教，表現亦無起色，今役更續有射手佐敦阿休被罰停賽，就算主場受讓半/一，亦寧捧紅軍上盤。（球賽編號：星期日18；now621台今日10:05pm直播）

利物浦在高路普麾下仍未擺脫「衰波」本色，但球隊無論人腳或實力均在維拉之上，又有前鋒羅拔圖法明奴當「弗」，配合佐敦軒達臣及剛於上仗建功的菲臘比古天奴，今役料可全取三分。