[業界資訊] iPhone出遊 鏡頭譯外語

aa00

不少人趁住農曆新年長假期去外地旅遊，但當身處外地，中文同英文都未必行得通，路牌睇唔明，問路又唔識講。好在App Store有大量實用與趣味兼備的iPhone工具，只要出發前下載定各款Language Apps，旅行就可暢通無阻！

西班牙文 旅行目的地：西班牙、中南美、美國《Word Lens》鏡頭翻譯
《Word Lens》可說是相當突破的App，只需用iPhone鏡頭對準文字，如路牌、書本、菜單等，就可即時進行翻譯，毋須拍照儲存。現時備有英文轉西班牙文及西班牙文轉英文兩個程式，另有免費試用版，附上Reverse Word（將字母倒轉）跟Erase Word（消除文字）兩種玩法。
售價：$9.99美元\各（折約港幣$77.9\各）
《English-Spanish Visual Dictionary from Franklin》圖文並茂不少翻譯Apps都設計成教科書模樣，全文字模式相當沉悶，但這套西班牙文教學App就圖文並茂地以12個章節教大家不同範疇的生字，就算有些連英文名都唔識的字，都可以按圖找出西班牙文，去外國行街就方便得多。
售價：$5.99美元（折約港幣$46.7）
法文 旅行目的地：法國、加拿大東部、北非 《French Menu》美酒佳餚
法國美食及美酒世界聞名，但諗住食法國大餐都唔易落「柯打」，好在《French Menu》有齊各種基本點菜講法，內建真人發聲之餘，更具備錄音功能，可以聽番自己發音有幾標準。另加入100種法國佳釀的資料，實用性高。
售價：$0.99美元（折約港幣$7.7）
《Paris Shopping》巴黎購物老遠飛到法國，行香榭麗舍大道、到老佛爺Shopping屬指定動作。透過《Paris Shopping》就可一覽全巴黎購物熱點，當然還附上購物時必講的法文對白，唔怕溝通唔到。
售價：$0.99美元（折約港幣$7.7）
日文 旅行目的地：日本 《漢字讀》收錄3,000字
有時日文相當考起人，尤其是當餐牌只剩漢字時，就算識日文都唔知點發音。《漢字讀》收錄了3,000個日文漢字，新年去日本就能大派用場。
售價：$0.99美元（折約港幣$7.7）
《常用漢字辭典》常用讀音另一實用的日文App是《常用漢字辭典》，當中收錄了1,945個常用漢字。要知道一個漢字既有音讀又有訓讀，甚至有多個讀音，唔明的話一查就清楚。