本帖最後由 orchids 於 2013-7-31 09:22 PM 編輯
蘭花-氣生蘭-裸根種植
裸根種植的方法, 流行已久, 並不是甚麼新意. 各位蘭友有興趣不妨瀏覽.
氣生蘭花的生長要求, 不外乎又係基本元素 - 空氣, 水, 光照, 植株牢固性............
先講吓裸根嘅壞處 :
種植的介質 : 有樹皮, 芒板, 木板, 樹幹, 等等...........外觀並不美麗, 不能擺放於客廳, 增添美感, 擺放也不方便.
因為沒有芒骨, 蘭石, 水苔, 椰粒, 樹皮粒, 擦膠粒, 拖鞋粒等等..........協助保濕, 植株長期缺水), 每天一定要澆水(用水壺唧唧) 否則會有脫水危機. 還要留意種植環境的濕度, 作出適當的澆水頻率調節., 植株因為缺水, 會有收縮嘅現象, 外觀不會肥大靚仔!
施肥的時候, 唔慌唔淡肥薄施啦, 水過鴨背, 無得留低.......(個人覺得, 蘭株強健, 並不需要強加蘭肥, 植株本身已能製造足夠的養分.)
因為植株係全無約束地生長, 非常阻礙地方, 尤以香港 - 寸金尺土!
因根系'拿'實樹皮/芒板, 每當分株或更換樹皮/芒板的時候, 根系會有一定的損傷.
裸根嘅好處 :
好處首要提及通風透氣, 無哂束縛, 植株都生長得舒暢d, 醒神d........
蘭根不會輕易, 因為長期濕水而爛根.
根系同盆植, 比較上, 會較為強健及數量多, 植株也壯健起來.
氣生蘭嘅原始生態, 本來就係赤裸依附係樹上, 甚或岩石上, 裸根種植, 十分切實對應氣生蘭的原本生態環境.
希望眾蘭友, 都能多些嗜試不同的種植方法, 百家爭嗚...............大放異彩!
以上是本人從某蘭友的blog看到,認為幾好,故轉貼給各有興趣養蘭的朋友
如有異議,歡迎發表討論以增養蘭技術. |
發表於 2013-7-31 09:18 PM
| 
