2013水區之最受歡迎獎問卷調查 ， 描述： 2013-12-29 09:00 GMT+8截止投票

blacker14tt

一年前曾開辦2012年水區最受歡迎吹水帖以及2012年水區最受歡迎吹水會員投票活動
想知道今年有多少人還願意參與這個活動?

制度將以提名方式, 提名截止後將公開給所有會員參與投票
而參與提名也跟去年一樣, 有最佳提名理由獎
獲得大家投票成最受歡迎吹水帖 / 吹水會員的樓主 / 會員將會獲得獎金獎勵

如果大家有其他對於此活動的意見, 或者覺得還有什麼關聯活動可以辦
一樣可以在此帖內提出, 獲採用者將奉上小紅包一封

blacker14tt

最新消息: 剛剛得到高層批准, 最受歡迎吹水會員頭三位將得到勳章一個, 有效期一年

blacker14tt

同意要投票呀, 齋UP唔得

blacker14tt

去年的提名，來來去去都係果幾個，結果得9個名，根本不能反應水區活躍的member。
其實水區版主系唔需要提名，去年選到的也可以自動入選。
SweetLemon 發表於 2013-12-24 01:02 PM

呢個都係個好建議, 會考慮

blacker14tt

不同意舉辦
淨送錢問題不大, 送勳章一定有人作弊
(禁止分身參加, 若發現有人用分身作弊, 則不會寬貸)
有咩方法可以100 %禁止分身參加?? check ip??  而家周圍都有wifi ,我今日開始在唔同地方用wifi 註冊悵號,到時幾 ...
Lucifеr 發表於 2013-12-24 01:16 PM

你有你想法, 我亦明白現今科技發達, 要改IP又有何難??
你話只送錢問題不大, 送勳章就會有人作弊?? 其實送錢 & 送勳章都一定會有人作弊
這個我首先會選擇信任水區各大會員的操守, 禁止分身參加等等規則都是預防措施
另外, 如果一個平時不活躍的水區會員, 卻因大量相同IP / 新註冊等等會員投票而獲得頭三名, 想想也知道發生什麼事
如果萬一發生此類事件, 我會公開給大家決定, 決定該會員是否有該資格, 有必要會請本區區版甚至論壇高層出面
故, 身為本版版主, 擁有最終決定權這個設定我覺得並無問題, 而且我自問公平公正, 並不會因此濫用該權力, 當然你可以不認同

上一年是第一年舉辦, 有很多需要改善的地方, 所以今次我開帖徵詢大家意見
我亦同意我下場比賽有些奇怪, 所以已經決定今年不下場 (未宣布, 現在算是公開了)
而此活動主要是獎勵各位活躍於水區的會員, 其他版塊的版主來到本版時就基本上同一般會員無異
故, 其他版版主下場我覺得並無利益衝突, 而且都是由其他水區會員提名 (先決條件: 活躍於水區), 並不是版主說要參加就有

至於你話如果不投票給版主, 會不會給版主秋後算帳
我想你這裡所指的版主應該是我, 上一年我雖然有下場參加, 但我也沒有獲得第一名
有好多人沒有投我而投了給其他人, 如果個個我都要去秋後算帳, 那麼我豈非很不得空??
我搞活動都是想帶旺水區, 去秋後算帳 = 倒米, 對我本身對水區也不見得有什麼好處, 損人害己之事, 不做也罷

我要講的就是這麼多, 多謝你提供的意見 / 看法
至於日後本投票順利舉辦後你是否參加則悉隨尊便, 本人尊重各位會員之意願
謝謝

blacker14tt

不如新增設一個"最具潛力會員進步獎"啦
timmaxsing 發表於 2013-12-24 12:39 PM

評審方法如何先??

blacker14tt

順便叫高層搞個公仔箱最受歡迎版主的 我一定投給william
BeiDouChef 發表於 2013-12-24 01:29 PM

呢個你可以去系統意見區開帖
我冇牙力說服唔到論壇搞呢個活動, 你出馬可能好D

blacker14tt

1.評審方法"最具潛力會員進步獎"是表揚在水區各方面貢獻,評審準則包括:帶動到水區、親善各位會員關注新一年的動向、在帖子和遊戲上的用心做,表揚該會員在水區這年貢獻,親王級別以上可投兩票,親王以下級別一票,為公平起見,參加投票者必須本年或數月內在有水區活躍,新會員不得參與是次活動,謝絕作弊情況,以及不能投給自己,提高公平性
timmaxsing 發表於 2013-12-24 03:31 PM

呢個可能同最受歡迎吹水會員有衝突
而且親王會員不多, 加上D功勳可以買, 用此作界別可能不妥
&, 論壇嘅投票系統冇咁犀利, 可以分辨會員嘅用戶組, 嚟比會員投一票 or 兩票 @@

2.這兩項上年活動都好好,今年可再接再勵,但有會員提出活動作弊情況出現,見以可加入條例:
1a.參加本年度投票者必須本年或數月內在有水區活躍,新注冊會員不得參與是次年度投票活動,減低作弊情況,
2b.是次活動不能投給自己,減低票數作弊情況。
提高了是次投票活動公平性

同意禁止新註冊會員參與投票 (暫定由今日開始注冊嘅會員, 應該唔會有人咁快未雨綢繆呱?? lol)
我基本同意受提名者不可投票比自己, 否則當作廢論, 但未係最終決定
如果大家可以比多D意見最好, thanks

blacker14tt

不用論壇的投票系統,可用人手發帖方式設定權限來投票,但可行,但驗票時及其它事宜會吃力d,
timmaxsing 發表於 2013-12-24 04:15 PM

暫不列作考慮, 但不排除日後會變化多少再採用嘅可能性

blacker14tt

或者投票以pm方式~~~
lovebearhl 發表於 2013-12-24 04:24 PM

可能會有人覺得我造假, 我唔要做照鏡嘅豬八戒

blacker14tt

1.支持開心搞活動, 只盼發獎章唔盼發獎金, 咁就減少好多混水摸魚之徒. (見議)

2.水區一年中較為活躍只有幾個人, 一年之中從不間斷搞活動只得一個人"HENRY". (最受歡迎心水) ...
chan200308 發表於 2013-12-24 04:23 PM

而家就係有會員覺得發章會引起他人貪念, 我就覺得兩者都有潛在危險性
但我相信活躍於水區嘅會員不屑咁做, 希望大家唔好令我失望

你都唔駛自謙, 你一年都派唔少錢, 雖然你D錢入晒大海嘅比例比較多

blacker14tt

由各版主來做評分 這就公平
這個建議 應該沒有其他會員再吵分身投票拉 用TVB買票拉
也能防止到不應該出現的問題

比如： 投票結束后論壇突然優化 0票 變 1000票   ...
BeiDouChef 發表於 2013-12-24 04:55 PM

各大版主未必了解水區邊位會員活躍邊位會員對水區有貢獻，正如我唔知道NBA版邊位會員出沒得多一樣
就算由版主投票，如果得主係版主，可能又會有人覺得官官相維
並且限制比版主投票，會員冇得參與，咁我搞投票嚟做乜？
如果話揀全論壇最受歡迎會員，只比版主投票就或者講得通遮

論壇優化問題時有，呢個係論壇本身問題，而且唔係最近先有，不應作為討論範圍
萬一發生該問題，都係投票後變成未投票，到時再投返一樣嘅票即可
你所說嘅優化後0票變1000票根本係冇可能，或者你想用大馬選舉一事開玩笑，但可能會有人當真，都係適可而止好

blacker14tt

點解選舉吹水王要搵唔係水區嘅其他非水區會員來選舉？佢地唔係水區人根本唔識水區事，這樣做是很容易做成做馬現象。最好方法是所有參選或投票者都要自己先入嚟登記，這樣就可以刪去會員做馬機會。如果怕不足夠會員參 ...
chowold2 發表於 2013-12-25 06:54 AM

活動本身係要比水區人參與嘅, 但水區都有好多潛水會員, 所以都唔可以完全禁止水區以外嘅會員參與
我相信各位水區人眼睛係雪亮, 大家都會提名佢地覺得實至名歸嘅, 而受提名嘅應該都會安分守己參與, 呢點我依然係選擇相信各位水區人
由於唔可以自己提名自己, 果D別有用心嘅會員應該唔可以得逞, 當然成個投票我都會儘可能監察住, 一覺唔妥隨時可以終止 (到呢個地步應該都幾大wok下)

blacker14tt

距結束還有: 2 天26 分鐘