[討論] 大家搵車房維修自已的愛驅時會跟隨什麼條件呢 ， 描述： 所有有意思的回覆會被加分

carwing

大家搵車房維修自已的愛驅時會跟隨什麼條件呢？

[ 本帖最後由 carwing 於 2009-3-3 04:40 AM 編輯 ]

tshek

睇吓咩車同整咩啦，

貴車，３０、６０Ｋ大tuneup嗰啲就番原廠，賣車時值錢少少。其他就睇情況，軚呀，brake呀就唔駛原廠啦，小事搵車房用原廠零件咪得囉。大事我就番原廠，因為佢整車佢會俾架車我用，方便啲。

普通車，乜都去車房，換油換filter嗰啲超超超超超超超超超超小事就自己搞掂

至於點搵相熟車房.....會由朋友介紹同自己同條友傾吓，講真，佢實勁過我，佢點講都得，同條友傾吓係想知究竟佢講嘢正唔正常，溝唔溝通到，因為好多車房佬整車好叻，不過佢表達能力真係有限公司，完全溝通唔到，點俾架車你整呀。又好彩自己本身同一個body shop 老闆好熟，有咩事問佢，佢一定會話俾我知邊間車房整邊樣嘢最叻，又叫我入去就搵邊個，依個人整依樣嘢最叻。

好似有次我個friend 條死氣喉有事，我搵body shop 老闆求救，body shop 老闆叫我去番上次嗰間「XXX」車房，我賴醒話係唔係搵番上次同我整車嗰個，佢話唔好，要搵另外一個整，佢話依個整死氣喉叻啲，燒焊叻啲喎。我梗唔識啦，唯有聽佢講，因為咁耐都未試過佢介紹嘅車房有問題。

[ 本帖最後由 tshek 於 2009-3-3 06:09 AM 編輯 ]

coscochan

自已搵，入去同個師父詳談，了解下對方有無料